Дали некогаш сте погледнале пакување гранола или некој рецепт што содржат ленено семе и сте се прашале што е тоа? Додека чиа семето е попопуларно и се користи дури и како пудинг, лененото семе е занемарена намирница на која треба да почнете да обрнувате внимание. Особено кога ќе сфатите на кои се начини овие мали семчиња може да имаат големи позитивни ефекти на телото.
Од подобрување на дигестијата до намалување на ризикот од болести, бројни се начините на кои консумирањето ленено семе може позитивно да влијае на вашето долгорочно здравје.
ИЗВОР НА ВЛАКНА
Ако барате едноставен начин да го зголемите внесот на влакна, вклучувањето на ленено семе во вашата исхрана е одлично решение. Една лажица ленено семе има речиси три грама влакна, што е еднакво на 11% од дневниот препорачан внес.
Според Американското здружение за срце, потребно е да се внесува 25 до 30 грама влакна дневно. Исхраната со малку влакна не само што лошо влијае на вашата борба со килограмите, туку може да предизвика дигестивни проблеми и дури и да го зголеми ризикот од развој на хронични болести.
Додавањето ленено семе во вашиот појадок е одличен начин за почеток. Семето од лен може да го измешате со овесни снегулки, да ставите гранола, да го измешате во јогурт или да го ставите во вашето смуди.
ОМЕГА-3 МАСНИ КИСЕЛИНИ
Лененото семе е богато со алфа-линолеинска киселина (АЛА), вид на есенцијални масни киселини што телото не може да ја произведе. Единствениот начин на кој можете да ја добиете е преку храна, а лененото семе е полно со оваа киселина.
Конусмирањето омега-3 масни киселини докажано е дека го намалува воспалението во телото, што може да помогне да се спречи развојот на хронични болести. ALA е поврзана конкретно со намалување на ризикот од развој на срцеви заболувања како што е срцев удар, како и со намалување на високиот крвен притисок.
ПОМАГА ПРИ ВАРЕЊЕ НА ХРАНАТА
Лененото семе популарно се нарекува и природен лаксатив, кој може да помогне во процесот на варење. Студија објавена во списанието Nutrition&Metabolism покажала дека лененото семе (кога се додава во пакувана храна) ги намалува симптомите на запек, како и гликемиското и липидното ниво кај лицата со дијабетес тип 2.
ТЕЛЕСНА ТЕЖИНА
Одржувањето здрава телесна тежина е важно за одржување на вашето тело здраво на долг рок, така што вклучувањето на ленено семе во вашата исхрана може да биде клучно за одржување на здрава тежина. Исто така, влакната во семето од лен може да ви помогнат подолго да се чувствувате сити.
