Двата вида на кромид содржат антиоксиданти, но новите студии покажуваат дека црвената верзија е одллична во превенцијата и во борбата против ракот.
“Човечките клетки на ракот беа изложени на екстракти на пет вида на кромид. При тоа, екстрактот на црвениот кромид уби четири пати повеќе клетки во споредба со останатите светли видови на кромид“, објаснува Суреш Нитхирајан, доктор специјалист по биоинжињеринг.
Зошто токму црвен кромид?
Стручњаците истакнуваат дека е важно тоа што црвениот кромид е богат со биофлавоноиден кверцетин, кој е во добар во борба против алергии, воспаленија, карцином и срцеви болести. Се смета за крал на биофлавоноидите. Исто така, истражувањето покажало дека црвениот кромид содржи и антоцијанини – растителни пигменти кои го подобруваат делувањето на кверцетинот, но се борат и против слободните радикали кои може да доведат до состојби на карцином, срцеви заболувања, дијабетес и воспаленија.
Антоцијанините се заслужни за црвената, сина, виолетова и црна нијанса на многу овошја и зеленчук. Нутриционистите препорачуаат да бирате обоени овошја и зеленчук, па затоа не е ни чудо дека црвениот кромид подобро функционира во борбата против рак. Но, ова е прв пат хипотезата да биде потврдена во лабораториски докази. Истражувачите истовремено отркриле и колку кромидот е ефикасен и во борбата против клетките одговорни за ракот на дојката. Се смета дека кромидот ја попречува комуникацијата меѓу клетките за рак и создава неповолни средини за нивно ширење, поради што се уништуваат. Секако, оваа теорија се уште треба да се тестира на човекот, но сепак се препорачува редовно консумирање на црвениот кромид, како превенција.
