Познато е дека квалитетниот сон позитивно делува на целиот наш организам – придонесува за подобро здравје на срцето, штити од прекумерна телесна тежина, а ако доволно и квалитетно спиеме и коските и помнењето ќе бидат посилни.
Но, и кусиот сон во текот на денот има свои специфични придобивки. Имајте на ум дека тоа спиење не мора да биде долго. И 20 минути одмор со затворени очи може да значи разлика.
Ова се шест причини зошто е корисно да се одмори во текот на денот:
- Подобра фокусираност и внимание
Еднаш кога ќе решите од почетната зашеметеност по попладневното спиење, повнимателно ќе ги следите случувањата околу себе. Истражување на НАСА потврдило дека пилоти, кои попладне одморале 40 минути, имаат поголемо внимание, во споредба со пилотите кои немале таков одмор. Дури и 20 минути краток сон попладне, заслужен е за подобро внимание и фокусираност кај вработените кои работат во смени, велат експертите од Харвард.
- Учиме и помниме поквалитетно
Познато дека РЕМ фазата од сонот е поврзана со когнитивен процес, па не зачудува што е потребен подолг и поквалитетен сон, за нашиот мозок да функционира подобро. Но, о текот на денот успеете да одморите еден час, или дури 90 минути, ќе забележите дека менталниот замор исчезнал по будењето. Иако подолгиот попладневен сон резултира со поголемо ниво на зашеметеност, подобро ќе влијае на функционирањето на мозокот, тврди австралиско истражување.
- Покреативни сме
Дали некогаш сте се разбудиле и сфатиле дека го знаете одговорот на проблемот што ве мачел? Тим истражувачи се занимавал токму со оваа тема – зошто “светилката“ се пали токму по попладневен сон? Откриле засилена активност во десната страна на мозокот која е поврзана со креативноста.
- Пик на продуктивноста
Експертите се согласуваат дека попладневната дремка не значи мрзеливост на работа и всушност може да го поттикне ангажманот на вработените. Овој сон служи како добар поттик за работниците кои копнеат за одмор, како и за оние кои се уморни од работните задачи, и тое е поефикасно отколку, на пример, шолја кафе.
Попозитивно размислување
Дали некогаш сте биле во близина на бебе кое не спиело доволно време? Заморот и поврзаната нервоза не се добри, дури и ако ние, како возрасни, научивме да се справуваме со тоа. Краткиот сон ефикасно го подобрува расположението, што веројатно веќе сте го забележале и самите.
- Се ослободуваме од стресот
Попладневниот сон е одговорна и за помала количина на стрес и ќе ви ја врати насмевка на лицето. На таквиот сон можете да гледате како нз „мини одмор“ и не грижете ако во тие 10 минути одмор не успеете да заспиете. Истражување спроведено во 2007 година покажало дека, без разлика дали ќе заспиете или не, додека лежите во кревет, навистина се опуштате.
