Постојано ви се ладни рацете или нозете? Ако мислите дека тоа е заради слабата циркулација, ќе се изненадите всушност колку други причини постојат. Откријте што се може да биде причина за оваа појава:
Хипотиреоза
Не е невообичаено да имате ладни раце ако имате проблем со штитната жлезда. Тироидата е термостат на телото. Кога е помалку активна многу телесни функции се забавуваат и може да се јават симптоми како што се умор, констипација, нагло добивање на тежина и секогаш присутното чувство на студ, вклучително и ладни раце. Хипотиреозата е вообичаена за мажите и жените постари од педесет години.
Проблеми со циркулацијата
Повеќето луѓе мислат дека недоволната циркулација е главна причина за ладни раце. Слабата циркулација се јавува кога е намален протокот на крв богата со кислород и хранливи материи заради слабо пумпање на срцето и други причини (со холестерол запушени крвни садови). Кога крвта не тече низ организмот како што би требало чувствувате студ во рацете и стапалата затоа што тие се најдалеку од срцето.
Низок крвен притисок
Нискиот крвен притисок се јавува заради низа причини вклучително и дехидратација, губиток на крв, одредени лекови и ендокрини пореметувања. Кога крвниот притисок е низок, крвните садови ја насочуваат крвта од екстремитетите во виталните органи оставајќи ги прстите ладни. Ако имате низок притисок проследен со вртоглавица, замор, мачнина и чувство на слабост, обавезно кажете му го тоа на својот лекар.
Лекови
Некои лекови можат да резултираат со ладни раце. Постојат многу лекови кои ги стегаат крвните садови, посебно артериите. Некои од нив се бета блокаторите препишани за крвниот притисок, некои лекови за карцином, лекови за мигрена и капките за нос.
Пушење
Ако немате доволно добра причина за да ги оставите цигарите, ова е една од нив. Никотинот од цигарите предизвикува стегање на крвните садови, а води и кон создавање на наслаги на нив, па е намалена проодноста и протокот на крв во екстремитетите.
