Акутниот мозочен удар, почесто се случува во пролет отколку во било кое друго годишно време, тврдат јапонските научници. До заклучокот дошле по големо истражување, а резултатите кои при тоа ги добиле и кои говорат за зачестеноста на мозочниот удар објавени со американското медицинско списание Strouk.
Дванаесетгодишното истражување, со кое биле опфатени пациенти со претрпен мозочен удар, покажало дека и кај жените и кај мажите, неврзано со возраста, ударот бил за 25% почест во март, април и мај, отколку во останатите месеци.
Научниците не успеале да најдат објаснување на оваа појава, но наведуваат дека причината најверојатно лежи во осцилациите на крвниот притисок кој зависи од годишното време.
Познато е дека нелекуваниот зголемен крвен притисок, покрај дијабетесот, дебелината и пушењето, е еден од водечките ризик фактори за настанување на мозочен удар.
Мозочниот удар е невролошка болест предизвикана од пореметување на циркулацијата во мозокот, што доведува до недоволно снабдување на одредени делови на мозокот со кислород и хранливи материи. Проблемот се јавува по запушување на крвните садови со згрутчување или по нивно пукање и излив на крв во мозочното ткиво или мозочната обвивка.
Болеста настапува нагло или постепено, во рок од неколку часа или денови, без појава на болка која е, на пример, карактеристична за срцевиот напад.
Лекарите напоменуваат дека од клучно значење е ризик факторите за мозочен удар да се препознаат навреме, и само така може да се избегнат сериозни компликации.
МОРА ДА ЗНАЕТЕ
- Над 30% од случаите на мозочен удар се случуваат кај жени пред 65. година.
- Дури 89% од случаите на мозочен удар се спречуваат со правилна исхрана, редовна телесна активност, непупење и намалување на ризичните фактори.
- ЗАПОМНЕТЕ! Првите три часа по појавата на симптоми на мозочниот удар се најважни за примена на лекови и за што поуспешен исход од лекувањето.
