За време на спиењето, човечкиот мозок обрнува внимание на непознати гласови за да остане буден и да препознае потенцијална опасност, покажало ново истражување спроведено на Универзитетот во Салцбург. Австриските научници ја мереле мозочната активност на возрасните лица во текот на спиењето и следеле како тој реагира на познати и непознати гласови.
Слушањето на непознати гласови во сон предизвикало човечкиот мозок да се заглави во РЕМ, првата фаза од спиењето, но овој ефект не бил забележан кај лицата за време на РЕМ фазата, односно фазата на најдлабок сон.
МОЗОКОТ СЛЕДИ И ДОДЕКА СПИЕМЕ
Иако очите ни се затворени, мозокот продолжува да ја следи околината додека спиеме, обидувајќи се да ја балансира потребата за сон и потребата за будење во случај на опасност. Еден од начините на кој тоа го постигнува е селективниот одговор на непознати гласови, сметаат стручњаците.
Непознатите гласови, како оние што доаѓаат од телевизија, го спречуваат квалитетниот ноќен сон затоа што мозокот поради нив е во состојба на подготвеност. Интересно е тоа што таквата реакција на мозокот на непознати гласови поретко се јавувала како поминувало времето и како гласовите од телевизија станувале попознати, што укажува на тоа дека нашиот мозок е способен да учи дури и додека спиеме.
