Според досегашните анализи на случаевите, инфекцијата КОВИД-19 во околу 80% од случаите предизвикува блага болест (без пневомија или благо воспаление на белите дробови) и повеќето заболени се опоравуваат, 14% имаат потешка болест, а 6% се соочуваат со тешка форма на болеста.
Миењето и дезинфекцијата на рацете се клучни за спречување на инфекцијата. Рацете треба да се мијат често и темелно со сапун и вода, најмалку 20 секунди. Кога сапунот и водата не ви се достапни, може да користите средство за дезинфекција кое содржи најмалку 60% алкохол.
КОИ СЕ СИМПТОМИ НА КОРОНАВИРУСОТ?
Коронавирусот, според наводите е група на вируси, а симптомите на актуелниот отстапуваат од оние познатите. Според пишувањата на експертите, постојат три главни симптоми на зараза со новиот коронавирус:
- Температура,
- Кашлица
- И отежнато дишење.
Според пишувањето на центарот за превенција на болести во САД, симптомите се јавуваат два дена по контакт со заразено лице.
Овој заклучок се базира на претходни случувања според времето на инкубација на МЕРС вирусот (еден тип на коронавирус). Поединци ќе доживеат незабележливи симптоми, додека кај други тие може да бидат многу сериозни и да предизвикаат смрт.
Со оглед дека симптомите на коронавирусот се многу слични со грип и настинка, важно е да не се брза со заклучоци. Сепак, ако сте ги забележиле овие симптоми, Светкста здравствена организација советува да се побара лекарска помош, односно консултација.
