Како и на кој било друг дел од телото и масажата на стомакот ќе ја поттикне циркулацијата и ќе ги снабди клетките на организмот со кислород и ќе ги опушти „стегнатите“ ткива и мускулите кои можат да ја ограничат циркулацијата и функцијата на органите. Освен тоа, уште старите таоистички мудреци во стара Кина забележале дека во внатрешните органи во абдоменот често наталожуваме негативни емоции, па осмислиле посебна масажа на стомакот – Chi Nei Tsang. Оваа масажа ја опушта блокираната енергија и не ослободува од лошите емоции и делува превентивно против главоболка, менструални грчеви, слаба циркулација, болки во грбот и други тегоби.
Масажа на стомакот можеме да си направиме и самите. Едно шведско истражување покажало дека ги намалува гастроинтестиналните тегоби, како што се запек и болки во стомакот, а група американски научници од Miami School of Medicine наведуваат дека кружното масирање на стомакот помага да се намалат симптомите на ПМС, грчевите, задржувањето на водата, но и чувството на тага и анксиозност. За да ги почувствувате овие благодати еве како треба да се изведува масажата.
- Почнете под градната коска, лизгајќи надолу со полна дланка по стомакот при тоа следејќи го движењето со другата рака. Потоа кружете со дланките, ставени една врз друга, во насока спротивна од стрелките на часовникот (со тоа се поттикнува варењето и празнењето на цревата).
- Со врвовите од прстите со мали кружни движења масирајте го стомакот од надвор кон папокот. Пристисокот можете да го засилите, но само толку колку да ви биде пријатно.
- Масажата можете да ја изведувате во лежечка или седечка положба, но ако сте почетник за најдобри резултати сепак легнете на под или на кревет. Ако за време на масажата наидете на некои чувствителни подрачја намалете го притисокот.
