Артритисот може да биде непријатна и болна состојба, која може да предизвика отеченост, чувствителност, воспаление и слабост на мускулите, како и исцрпеност. Иако не постои лек, се смета дека исхраната може да игра улога во управувањето со симптомите. Според д-р Клер Морисон, храната богата со калиум може да биде клучна во борбата против артритисот.
“Калиумот во исхраната помага во балансирање на вишокот сол, намалувајќи го задржувањето на течности и помагајќи ја правилната употреба на калциум во коските и зглобовите“, објаснува докторката.
Ова го поддржува и истражувањето објавено во списанието The Journal of Pain, кое ја утврдило врската помеѓу ниското ниво на калиум и ревматоидниот артритис. Опишано е дека пациентите со ревматоиден артритис имаат значително пониски концентрации на калиум во серумот од здравите испитаници.
Четири видови овошје
Како дел од студијата, групата учесници со ревматоиден артритис почувствувала помала болка по земањето додаток на калиум во текот на 28 дена, во споредба со оние кои не го правеле тоа. Затоа, се чини дека додатоците на калиум го намалуваат интензитетот на болката. Но, д-р Морисон советува да пред да се изложите на ваков трошок, во својата исхраната да вклучите четири овошја кои би можеле да помогнат да го зголемите нивото на калиум.
“Добри извори на калиум вклучуваат банани, диња, портокали и кајсии“, вели таа.
Сто грама банана содржи 358 мг калиум, додека истата количина на диња има 267 мг. Сто грама портокал има 181 мг калиум, а кајсијата има 259 мг. Сувата кајсија е уште побогата со калиум и содржи дури 1162 мг во сто грама.
Симптоми на артритис
Ревматоидниот артритис е втората најчеста форма на артритис, а првата е остеоартритис. Се јавува кога имуниот систем цели на зглобовите, предизвикувајќи болка и оток. На почетокот ја загрозува мазната ‘рскавична обвивка на зглобот, што го отежнува движењето и доведува до болка и вкочанетост. Симптомите на артритис зависат од видот, но може да вклучуваат:
- Болка во зглобовите, чувствителност и вкочанетост,
- Воспаление во и околу зглобовите,
- Ограничено движење на зглобовите,
- Топла црвена кожа над зафатениот зглоб,
- Слабост и трошење на мускулите.
Други видови на овошје кои можат да помогнат при артритис се:
- Цитрусни овошја (портокали, лимони, грејпфрут): Содржат витамин Ц, кој е важен за здравјето на сврзното ткиво и има антиоксидантни својства кои можат да помогнат во намалувањето на воспалението.
- Бобинки (јагоди, малини, боровинки): Богати се со антиоксиданси како антоцијани, кои помагаат во намалувањето на воспалението.
- Јаболка: Содржат кверцетин, антиоксидант кој има антиинфламаторни својства.
- Вишни: Содржат антоцијани и имаат силни антиинфламаторни својства, кои можат да помогнат при намалувањето на симптомите на артритис.
- Ананас: Содржи бромелаин, ензим кој има антиинфламаторни својства и може да помогне во намалувањето на болката и воспалението.
- Киви: Богато е со витамин Ц и антиоксиданси кои помагаат во намалувањето на воспалението.
Конзумирањето на овие овошја во рамките на здрава и балансирана исхрана може да помогне во намалувањето на воспалението и болката поврзани со артритис.
