Светската здравствена организација (СЗО) од самиот почеток на пандемијата со коронавирусот како симптоми на болеста КОВИД-19 најчесто ги наведува следниве – зголемена телесна температура, замор и сува кашлица. Се споменуваат и течење на нос,болка во грлото, затнат нос, болка, пролив и губење на сетилата за мирис и за вкус. Но, постојат и други невообичаени симптоми кои ги посочиле некои пациенти.
ОСИП НА НОЖНИТЕ ПРСТИ
Како што пишува весникот Гардијан, заболени од неколку земји пријавиле осип на ножните прсти, а освен тоа, немале ниту еден друг вообичаен симптом на заразата со коронавирус. Осипот може да поприми форма на црвени и виолетови лезии, а европскотото списание за педијатриска дерматологија извести и за “епидемија“ на вакви случаи меѓу децата и адолесцентите во Италија.
КОНЈУКТИВИТИС
Иако ретко, симптом на коронавирусот може да биде и конјуктивитисот, а вирусни честички се пронајдени и во солзите на одделни пациенти. Од британскиот кралски факултет за офталмологија велат: “ Познато е дека секоја инфекција на горните дишни патишта може да резултира со вирусен конјуктивитис како секундарна компликација, а таквата појава е забележана и кај вирусот КОВИД-19. Но, малку е веројатно дека заболеното лице нема да има и други симптоми како треска или постојана кашлица – засега се чини дека конјуктивитисот се манифестира подоцна“.
НЕКРОЗА
Една шпанска студија објавена во британското списание Dermatology открила дека кај 6% од 375 прегледани заболени од коронавирус забележана е некроза – изумирање на телесното ткиво поради недостаток на снабденост со крв, што се манифестира со промена на бојата на кожата на која се видливи црвени или виолетови дамки. Во истражувањето се наведува дека овие симптоми главно биле видливи кај повозрасните пациенти со тешки форми на болеста. Но, и овој податок треба да се земе со резерва, бидејќи некрозата е евидентирана и кај некои лица кои биле позитивни на коронавирус, но не им било потребно хоспитализирање.
ВРТОГЛАВИЦА И ГЛАВОБОЛКА
А, според студија спроведена на 214 пациенти во Кина, откриено е дека нешто повеќе од една третина (36,4%) од заразените имале невролошки симптоми како што се вртоглавица или главоболка.
ЧУВСТВО НА ПЕЦКАЊЕ
Некои пациенти се жалат и на појава на трнки/трнење, како и чувство на пецкање.
“Кога нашиот имун систем се активира, како одговоро/реакција на некоја болест, луѓето може да почувствуваат различни сензации… Имам слушнато за слични искуства и кај други болести, кои не се поврзани со коронавирусот“, изјавил д-р Велед Џаваид од болницата во Њујорк.
