Акните кои се појавуваат на подрачјето на задникот најчесто се предивикувани од долготрајно седење, несоодветна долна облека и алишта, возење на велосипед и слично. Освен ова, тие може да бидат и симптом за премногу токсини во организмот, а решение за тоа е детоксикација.
Овој проблем може да ги погоди сите, но најчесто се јавува кај жените кои вежбаат, бидејќи поради потењето и иритација во фоликулите на влакната на задникот се собираат мртви клетки и бактерии, па доаѓа до појава на акни, против кои може да се борите на следниве шест начини:
ТУШИРАЊЕ
Доколку понекогаш, по вежбањето или трчањето, наместо под туш, подолго време останете во испотената облека, ги зголемувате шансите за појава на акни на задникот. Облеката со пот е полна со бактерии, па затоа е најдобро веднаш по вежбањето да се ослободите од неа и да се истуширате.
ПИЛИНГ
Два пати неделно помешајте една лажица мед и една лажица шеќер и со нежни кружења масирајте ги проблематичните места.
ТОПЛА КРПА
Затворените пори ќе се отворат со помош на пилинг, а во тоа дополнително ќе ви помогне еден едноставен трик со крпа. По туширањето поголема крва намокрете ја со топла вода и седнете на неа. Кога ќе почне да се лади, повторно загрејте ја со топла вода. Влагата и топлината ги отвораат порите поради кои настануваат акни и мозолчиња.
ЕЛИМИНИРАЊЕ НА ВИШОКОТ МАСНОТИИ
За да го решите проблемот со акни на задникот потребно е да купувате креми на база на бензоил пероксид. Оваа состојка ги чисти мртвите клетки од кожата, го елиминира вишокот на маст и себум во фоликулите и така спречува понатамошни воспалителни процеси.
ЛОСИОН
Побарајте лосиони за тело кои содржат млечна киселина. Таа ги чисти мртвите клетки од кожата и така дава свој придонес во брзото исчезнување на мозолчињата.
САЛИЦИЛНА КИСЕЛИНА
Салицилната киселина помага при отстранувањето на мртвите клетки од површинскиот слој на кожата и ги чисти запушените пори. Гел за туширање кој содржи салицилна киселина би можел да помогне во решавањето на овој проблем, како и сите други производи со оваа киселина, која делува антисептички и го намалува воспалителниот процес. Потребно е местото да се третира неколку пати неделно за да се забележат резултати.
