Кога страдате од болки во грбот, понекогаш единствена работа која сакате да ја направите e да останете што подолго во креветoт, но лекарите велат дека тоа е најлошото нешто кое можете да го направите.
Лежењето обично ја зголемува болката во грбот, според Германското друштво за ортопедија и трауматологија (DGOU). Наместо да лежите, треба да одите.
Болката во грбот е многу честа појава, а особено неспецифичните болки во долниот дел од грбот. Тие се предизвикани од стрес, недостаток на вежбање, мускулна тензија или психолошки проблеми
На луѓето кои страдаат од болки во грбот им се препорачува каква било форма на физичка активност, велат експертите. Умерено вежбање ги подмачкува зглобовите, ја подобрува мобилноста на ‘рбетот и ги зајакнува мускулите.
Лекарите не препорачуваат масажа или акупунктура, но таквите третмани може да се користат како додаток на физичката активност.
Ако болката е толку тешка што го отежнува движењето или оневозможува нормално држење на ’рбетот, таблетите против болка ќе ви обезбедат привремено олеснување.
Во случај на упорна болка во грбот, треба да се обратите на специјалист за да се утврди дали причината е сериозен проблем, како што е фрактура или пролапс на дискот.
