Дефинитивно е подобро да ги измиете рацете со антибактериски гел за суво миење отколку да не ги измиете воопшто, но треба да знаете дека тој не штити премногу од вируси и грип. Научниците од Универзитетот во Кјото утврдиле дека вирусот кој доаѓа на рацете со кивање, да речеме, дури и две минути после миењето раце со ова средство останува жив.
Волонтерите кои учествувале во истражувањето дозволиле научниците на рацете да им нанесат вирус на грип, а потоа со средство за суво миење ги триеле рацете четири минути, за да го отстранат вирусот. Но, и после две минути триење вирусот и понатаму бил тука, а биле потребни четири минути да исчезне.
Стручњаците објаснуваат дека повеќето антибактериски гелови за суво миење содржат некој облик на алкохол и антибиотици – антибиотиците ги убиваат бактериите, но се бескорисни кога се во прашање вирусите. Алкохолот, од друга страна, ги убива вирусите, но само во одредени околности.
Имено, рацете мора да бидат потполно суви за алкохолот да делува, а фактот дека вирусите најчесто се шират низ капки – кога личноста кива, кашла или зборува, што го намалува дејството на геловите за суво миење.
Научниците советуваат рацете да ги миете со топла вода и антибактериски сапун и темелно да ги триете барем 30 секунди, за да го убиете вирусот на грип.
Со оглед на тоа дека ни доаѓа постудено време кога има и повеќе вируси, би требало да го послушате овој совет.
