Дали ви се случува да се разбудите и да се чувствувате малаксано, па земате топломер да проверите дали сте поспани или имате треска? Температурата е 37,2 степени Целзиусови, а вие сепак се подготвувате за на работа, бидејќи тоа не е треска или пак е?
Фактите за треската се многу покомплицирани од општо профатените податоци од студијата работена во 1868 година. Прво, не постои број за нормална температура, пред се, бидејќи, таа е нешто повисока за жените отколку за мажите, повисока е за деца, отколку за возрасни, а најниска е наутро ако станува збор за период од денот. Жените се дополнително потопли во бременоста и за време на овулацијата.
Температурата од 37,2 наутро не е нормална, а може да биде потполно нормална за во 16 часот. Тоа е заклучено врз основа на 11 458 температурни листи во една болница кои се користени за истражување. Студијата ги отфрла старите стандарди за нормална температура на телото од 36,6 степени Целзиусови.
Стручњаците во таа студија заклучиле дека нормална телесна температура за возрасни во текот на денот е 37,2, а користеле резултати на 329 здрави возрасни личности. Утврдиле дека треската во просек почнува кога температурата е поголема од таа цифра, како и дека температурата треба да се смета како флексибилна цифра во контекст на возраста, полот и периодот од денот.
Оваа студија не е прва која се враќа на дефиницијата на нормалната телесна температура, но тешко е да се сруши бројот 36,6 кој останува на главните медицински страници. Тука, горниот праг на нормалната температура е 37,7.
Некои лекари се залагаат за тоа, освен ако температурата е повисока од 39,4, таа да не се ни симнува, бидејќи телото ќе се обиде да ја задржи што и да направите. Треба да се најде причината на инфекцијата и да се бори против тоа.
Нашиот внатрешен термостат е во хипоталамусот кој информира кога треба да се оладиме или загрееме. Треската му помага на телото да се бори против инфекциите стимулирајќи го имуниот систем.
