Следете ги промените во вашето тело. Промените на кои досега можеби не сте посветувале внимание. Мајката природа секој месец испраќа знаци кои ја навестуваат овулација. Точното време на овулација и моментот кога јајце клетките ќе бидат подготвени за освојување е пресудно за зачнување. Иако е најдобро да се има сексуален однос на денот на овулација, јајце клетката може да биде оплодена дури и ако сте имале сексуален однос неколку дена пред овулацијата.
Менструален циклус
Втората половина на вашиот месечен менструален циклус – периодот помеѓу овулацијата и почетокот на следниот циклус релативно е предвидлив бидејќи не трае подолго од 16 дена. Најчесто помеѓу 12 и 14. Ако добивате менструација на секои 30 дена по почетокот на претходната, овулацијата најверојатно се случува на половина од вашиот циклус. Ако вашите месечни циклуси се нередовни, информации за плодните денови нема да извлечете од месечниот циклус.
Базална телесна температура
Во првиот дел на циклусот, пред овулацијата доминира естрогенот. Овулацијата предизвикува зголемување на количината на прогестерон што помага при подготовка на матката за оплодената јајце клетка. Со зголемување на нивото на прогестерон се случува и зголемување на вашата телесната температура за приближно половина степен. Ако ја бележите телесната температура еден или два дена по овулацијата, ќе го забележите нејзиното зголемување. Базалната температура треба да се мери рано наутро, после најмалку три до пет часа спиење и пред да станете, во текот на неколку месеци.
Вагинален исцедок
Дали сте забележале дека гаќичките понекогаш ви се влажни? Се работи за вагинален исцедок или цервикална слуз кој спаѓа во еден од најефикасните начини на следење на сопствената плодност. Цервикалниот слуз се менува во секоја фаза на циклусот. Ако сакате да ја зголемите шансата за забременување, цервикалниот слуз треба да биде растеглив, проѕирен, конзистентен, сличен на белка од јајце. Таквиот слуз е најплоден и кажува кога се случува овулацијата. Имајте на ум дека квалитетот на цервикалната слуз е поважен од квантитетот. Исто така, плодната цервикална слуз не треба погрешно да се поистоветува со влажното чувство што се појавува кога ќе се возбудите. Цервикалната слуз се чувствува и останува на прстите додека не ја избришете.
Промени на телото
Положбата на грлото на матката има важна улога не само во текот на бременоста, туку и во обидот да дознаете како да забремените. Со приближување на овулацијата, грлото на матката се подигнува, благо се отвора и омекнува, што овозможува полесно поминување на сперматозоидите на патот кон јајце клетките.
Некои жени во време на овулација чувствуваат блага болка во долниот дел од стомакот или набабреност на вулвата. Помал број на жени забележуваат лесно крвавење на средината на циклусот, на денот на овулација. Крвавењето е предизвикано од наглото опаѓање на естрогенот непосредно пред овулацијата и во тој момент недоволната количина на прогестерон за одржување на слузницата на матката.
