Може ли да имате сексуални односи за време на бременоста? Колку е болно породувањето? Може ли жената да забремени по дијагноза за неплодност? Меган Корнвел, дел од тимот на британски „Гламур“ и мајка за првпат, го споделува личното искуство на раѓање и објаснува неколку дилеми врзани со она што треба да биде најубавиот чин во животот на секоја жена.
- Може ли да се има сексуален однос за време на бременоста и какво е чувството?
Официјалниот совет е дека смеете, доколку не сте се соочиле со претходно крвавење. Всушност сексот и се препорачува во последната недела – две од бременоста, бидејќи оргазмот може да го забрза породувањето и да предизвика породување. Меган тврди дека нејзиното чувство за време на сексуален однос понекогаш било чудно бидејќи знаела дека има уште некој во нејзиниот стомак.
- Како, всушност, изгледа породувањето?
Најдобар начин да ги опишам моите породилни болки е да ги споредам со она чувство пред повраќање – ве обзема бран на гадење, имате чувство како целиот стомак да ви е устата, само што е многу, многу поболно. Болките почнуваат да се јавуваат во форма на малку посилни грчеви пред менструација кои се засилуваат. За време на последната фаза на породувањето се чувствува силен притисок врз карлицата, но, за среќа, тоа не трае долго… Се е готово кога бебето ќе излезе надвор.
- Дали породувањето е болно како што се зборува?
Да. Раѓањето е интензивно искуство, но постојат техники кои можат да ви помогнат. Една од нив е дишењето, така што дефинитивно треба да го совладате пред да дојде денот за породување. Тоа ќе ви помогне да ги тргнете мислите од болките и да го намалите чувството на стрес што може да влијае на текот на породувањето. Ако се плашите, телото ќе ослободува адреналин, а мускулите на матката ќе бидат помалку ефикасни.
- Колкави се шансите да дојде до раскинување на пирнеалниот дел за време на породувањето?
Според истражувањата во Англија, 90 % од жените го имаат тој проблем за време на породувањето. Може да се работи за мала „гребнатинка“ која ќе помине сама по себе или раскинување од четврти степен, кое се протега до анусот. Затоа пред породувањето се практикува перинеална масажа со цел да не се дојде до сечење или раскинување.
- Колку брзо се враќа стомакот во нормала?
Се разликува од личност до личност и зависи од неколку фактори – колку сте вежбале пред породувањето, дали сте претрпеле некакви повреди при породувањето, колку сте подготвени да јадете здраво и да вежбата по раѓањето и дали имате или немате стрии.
- Дали ќе зажалам?
Ова е, веројатно, прашање кое никој не се осмелува да го постави. Да бидам целосно искрена, имаше моменти во првите неколку месеци кога се прашував дали воопшто требаше да раѓам. Тоа се случуваше во моментите кога бев исцрпена, ненаспана, кога влегував под туш облечена… “, вели оваа мајка, со која се согласуваат и експертите, кои велат дека нејзиното однесување е сосема нормално. „Baby blues“ е нормална појава во првите неколку недели, и ако тагата продолжува, тоа може да биде знак за постпородилна депресија.
Дали мислам дека вредеше сево ова? Да. И се надевам дека ќе има моменти кои ќе ве потсетат дека е така. Кога го гледате напредокот на вашето бебе, како расте и како ве гледа како да сте целиот свет, бидејќи тоа и сте… Кога секоја негова/нејзина насмевка ве потсетува дека правите неверојатно добра работа… А играњето во парк цело попладне со мини верзија од вас и тој бебешки мирис со кој се будите секое утро?, вели Меган Корнвел, пренесувајќи го своето прво искуство на раѓање.
