![PHOTO_sleepingpositions](https://panacea.mk/wp-content/uploads/2019/11/PHOTO_sleepingpositions-696x364.jpg)
Стручњаците со години истакнуваат дека за нормално функционирање на возрасните им се потребни осум часа сон, а важно е и тој сон да биде квалитетен. Положбата во која спиете многу придонесува за квалитетот на сонот, но влијае и на здравјето. Иако лекарите истакнуваат дека најдобро е да се спие на грб затоа што тоа тоа може да спречи појава на болки во грбот и вратот, го намалува рефлуксот на киселина од желудникот, па дури и ја намалува појавата на брчки, многумина ќе изберат да спијат на стомак или на страна.
Спиењето на стомак се смета за најлош избор зтаоа што мускулите и зглобовите трпат дополнителен притисок, што доведува до иритација на нервите и чувство на трнци во екстремитетите. Заради неправилната положба на главата луѓето кои спијат на стомак се посклони на главоболки. Кога спиете на страна, помалку ќе ’рчите, а ако ве мачи киселина – левата страна е идеална затоа што болката нема да ви го ремети сонот. Положбата на фетус, исто така, не се препорачува заради неправилното дишење и неприродната положба на вратот и ’рбетот, па можна е појава на брчки. Но ако не чувствувате никакви тегоби тогаш најважно е да ја одберете положбата во која се чувствувате најудобно.
На страна
Според истражувањата околу 15 отсто од луѓето спијат на страна. Оваа положба го намалува ’рчењето, рефлуксот и киселината. Заради подобар проток на крв кај трудниците им се препорачува да спијат на левиот колк. Заради спиење на страна често ќе се будите со лице полно со бразди од лежењето. Долгорочно тоа може да поттикне создавање брчки. Перницата која најдобро ќе ви одговара е тенка, за ’рбетот и вратот да бидат рамни со подлогата.
На грб
Најдобар избор е да се спие на грб затоа што така ќе ги спречите болките во вратот и грбот, а ќе го намалите и рефлуксот на желудочна киселина. Бирајте мека перница која ќе служи само како потпора на главата. ’Рчењето во оваа положба ќе биде најизразено, а ќе поттикне и болки во долниот дел од грбот.
На стомак
Стручњаците препорачуваат во потполност да се избегнува оваа положба затоа што притисокот на телото ги оштетува мускулите и зглобовите на целото тело. Заради притисокот на нервите се јавуваат трнци во екстремитетите, па почести се главоболките. Се препорачува да се спие без перница или да се додаде една во пределот на папокот за да се растовари долниот дел од грбот.
Фетус положба
Повеќе од 40 отсто од луѓето спијат во оваа положба, а почесто ја преферираат жените. Го зголемува ризикот од артритични болки затоа што вратот и ’рбетот се во неприродна положба. Дишењето во оваа положба е отежнато заради дополнителниот притисок на телото на градите, а дополнително е поголем ризикот од појава на брчки на лицето. Тенка и мека перница служи како потпора за главата за вратот и рамената да бидат под што е можно помало оптоварување.