Врз основа на неодамнешните истражувања спроведени на глувци се покажало дека проблемите со сонот, како и навиката за попладневна дремка може да се поврзани со Алцхајмерова болест. Проблемите со сонот се карактеристични за луѓето на постара возраст. Една понова студија покажала дека повозрасните лица, кои не покажуваат знаци на когнитивно оштетување, но имаат проблеми со сонот, акумулираат амилоидни протеини во мозокот. Испитаниците кои имале редовен сон и не биле склони на дневна дремка, имале помалку амилоидни протеини во мозокот, кои ја зголемуваат веројатноста за создавање на Алцхајмерова болест.
Стручњаците досега оваа болест најчесто ја откриваа врз основа на снимка на мозокот. Доколку би се востановиле конкретни симптоми, кои доведуваат до појава на Алцхајмер, би постоела голема можност да се одбегне деменцијата.
Ако до појавата на болеста навистина доведуваат пореметувањата во спиењето, пациентите со овој проблем биле советувани да ги сменат своите навики пред да се јави болеста.
„Не сакам да ги плашам луѓето со тоа дека доколку често се будат во текот на ноќта ќе заболат од Алцхајмерова бплест“, рекол коавторот на студијата, неврологот Ерик Мусек од Универзитетот Вашингтон. „Но би требало колку е можно да го ускладите сонот. Секогаш им зборувам на своите пациенти да не користат електрични уреди навечер, да спијат во темна просторија и да не гледаат телевизија додека лежат в кревет. Бидете активни наутро. Излезете надвор на дневна светлина. Имајте квалитетен појадок, кој помага во синхронизацијата на вашиот часовник“, додал Мусек.
