Голтањето таблети со чаша вода или некој друг напиток не само што е полесно, туку е и подобро за севкупното здравје. Она што треба да се знае е дека доколку се испие апче без вода можно е тоа да се заглави во хранопроводот, што потоа може да предизвика сериозни компликации. Лековите кои се заглавени во хранопроводот може да предизвикаат воспаленија и иритација и тоа може да резултира со симптоми како киселини, подригнување, болка во градите и крвавење. Најстрашно од се е тоа што, бидејќи хранопроводот нема нервно предупредување за болка, симптомите не се појавуваат веднаш. Со текот на времето таблетата може да се распадне и да го нагризе чувствителното ткиво на хранопроводот, што, пак, може да доведе до дехидратација.
Едно истражување објавено во „Turkish Journal of Gastroenterology“ открило дека секој лек може да предизвика чир на хранопроводот, но д-р Кауд навел дека некои лекови може да предизвикаат поголема штета отколку другите, на пример, лековите за остеопороза, антибиотиците и лековите против болки кои се издаваат без рецепт.
За да се избегнат опасни компликации, најдобро е лекот да се испие со 200 мл вода и во седечка или стоечка позиција. Добро е и апчињата да се пијат 15 минути пред спиење за да им се даде доволно време да слезат од хранопроводот.
