Запушените горни дишни патишта, понекогаш и силните болки во пределот на главата, висока температура и општа слабост се непријатни симптоми кои ја следат болеста во напредната фаза.
За тоа кои се најчестите причинители и како на време да се препознаат симптомите, одговара проф. д-р Ивица Клапан.
КОИ СЕ ГЛАВНИТЕ ЗНАЦИ НА ВОСПАЛЕНИЕ НА СИНУСИ?
Слузницата во подрачјето на горните дишни патишта (носот, синусите, горниот дел од ждрелото) е многу подложна на воспаленија, што доведува до ослабен имун одговор на болниот, а со тоа и до пад на одбранбената способност, со појава на отоци на слузницата, што резултира со застој на транспортот на слуз и бактерии. Последично, се нарушува природната рамнотежа и доаѓа до создавање на гнојна содржина, а потоа и главоболка, бескорисно земање аналгетици и слично.
Основна причина всушност е зголемен притисок од патолошка содржина во синусните канали (гној).
Висока телесна температура, малаксалост – кои се општи симптоми на болната состојба, во текот на акутното воспаление на синусите се појавуваат и солзење на очите, слузав-гноен иседок, кивање… што опфаќа збор на тегоби кај било која пациент со воспаление на слузнивата на горните дишни патишта. Освен наведеното, може да се појават и болки со различен интензитет во образите, на коренот од носот, болки во челото или во задниот дел од главата.
КАКВА Е РАЗЛИКАТА ПОМЕЃУ АКУТНИОТ И ХРОНИЧЕН СИНУЗИТИС?
Акутниот синузитис е секој воспалителен процес во синусот кој трае од 1 до 30 дена. Во рана фаза, симптомите тешко се разликуваат од обична настинка или алергискиот ринитис. Некои од симптомите се заеднички кога е зафатен било кој од синусите: главоболка, зголемена температура и пулс. Локализацијата на болката се разликува и зависи од заболениот синус.
Ако оваа состојба не е во целост излекувана во текот на првите 30 дена, акутната форма на промена на слузницата преминува во субакутна/субхронична, а потоа, по 4-6 недели доаѓа до хронични воспалителни промени на слузницата на параназалните синуси. Поимот хроничен синузитис се употребува кога воспалението на синусите трае подолго од три месеци. Оваа форма на воспаление е последица на акутниот синузитис кој не е целосно излекувано и/или неадекватно лекуван. Ако воспалителниот процес трае подолго од три месеци, доаѓа до пореметување на синусната дренажа, како и до други промени на слузницата на синусите.
Основни тегоби кои се јавуваат при хроничната воспалителна состојба се упорен секрет, кој се јавува најмногу од носот и од ждрелото, неодредена болка со помал интензитет во синусите и над се, долготрајна субфебрилна состојба (зголемена температура под 37.8 степени).
