Резултати на нова студија укажуваат дека заболените од мултиплекс склероза кои имаат алергии, имаат поактивна болест од пациентите кои немаат никаков проблем со алергиски болести, како и дека тој ефект е поттикнат од алергиите на храна.
Она што се истакнува, по објавување на студијата во списанието Journal of Neurology, Neurosurgery and Psychiatry е дека на научниците се уште не им е јасно на кој начин алергиите на храна може да ја влошат состојбата на мултиплекс склероза.
Се претпоставува дека алергиите на храна може да поттикнат воспаление поврзано со мултиплекс склероза. Исто така, алергиите може да влијаат на промената на цревниот микробиом кој може да произведе хемиски соединенија кои влијаат на средишниот нервен систем.
Студијата покажала дека алергиите на храна биле поврзани со 27 пати поголем ризик од влошување на мултиплекс склерозата.
