Бидејќи поленската алергија носи толку маки, одлична вест е дека во неа има и нешто добро. Новите истражувања покажуваат дека личностите кои патат од алергии на полен се изложени на помал ризик од одредени видови рак, во однос на оние кои немаат алергија.
Студијата спроведена на американскиот Национален институт за рак открила дека ризикот од рак на грлото, грлото на матката и крајниците е за третина понизок кај личностите кои се алергични на полен.
Научниците набљудувале скоро 1,7 милиони луѓе ширум САД на кои им биле дијагностицирани разни облици на канцер меѓу 1992 и 2013 година, и тие податоци ги споредиле со стотина илјади здрави луѓе на слична возраст и ист пол. Потоа ги споредиле податоците за поленска алергија во двете групи учесници и сфатиле дека ги има многу повеќе во онаа група каде нема заболени од рак.
Зошто баш поленската алергија го намалува ризикот од овие видови рак се уште не е познато, но постои една теорија како објаснување. Имено, се смета дека заради поленската алергија која е почеста од останатите алергии, телото врши постојан имунолошки надзор, односно постојано го „скенира телото“ и потоа ги уништува евентуалните канцерогени клетки.
Кај поленските алергии имунолошкиот систем безопасниот полен го доживува како закана и лачи хемикалија хистамин за телото да се ослободи од наводниот напасник. Затоа личностите кои имаат алергија пијат антихистаминици за да се ублажат ефектите од лачењето хистамини. Но постојаната изложеност на полен во пролет и лето значи дека имунолошкиот систем постојано е на готовс, па дека засилено врши имунолошки надзор на органите заради што научниците мислат дека поефикасно го брани телото од канцер.
