Анемијата заради недостаток на железо е мошне честа, особено кај жените во репродуктивната фаза. За организмот да го снабдите со овој неопходен минерал, ви предлагаме рецепт за брзинска алкална супа од спанаќ! Супата не мора да биде обична – вкусот ќе биде поинтересен ако пред послужувањето и додадете зачински тревки (магдонос, коријандер…) или семе од лен, масло од тиква, од ореви и маслиново масло. За да биде покремаста и полесна за варење, супата изматете ја во блендер.
Супите се добри затоа што на малку поинаков начин во исхраната ќе додадат важен зеленчук. Можете да ги приготвувате навечер и да ги носите на работа или да ги подгревате кога ќе се вратите дома.
Рецептот што ви го носиме денес е од книгата на познатиот доктор Стивен Домениго „Алкална исхрана“. Во супата слободно можете да додадете и малку путер или павлака, алкалноста така нема да се поремети.
Потребни состојки:
- 950 мл вода или органски бујон од зеленчук;
- 450 г свеж органски спанаќ;
- кујнска или морска сол;
- морско оревче.
Начин на приготвување:
Во поголем лонец проварете ја водата или бујонот. Додадете го претходно измиениот и исчистен спанаќ и варете најмногу една минтута. Изматете ја супата во блендер (матете додека смесата не стане мазна, односно убаво не се поврзе). Посолете и изрендајте малку морско оревче.
