Познато е дека лицата кои се изложени на поголем ризик од развој на анеуризма на аортата, треба да се подложат на преглед за да се утврди дали имаат анеуризма на неа. Анеуризмите на аортата претставуваат ненормално проширување на аортата предизвикано од слабеење на ѕидот на аортата. Инаку, три четвртини од сите анеуризми на аортата, се однесуваат на стомачната анеуризма на аортата (абдоминална анеуризма на аортата).
Повеќето пациенти со анеуризма на аортата немаат никакви симптоми се додека не дојде до појава на руптура (пукнатина) на аортата која обично е проследна со оштра и изненадна болка. Клиничката слика зависи од позицијата на анеуризмата.
Но, со скрининг на анеуризмата може да се следи нејзиниот раст и да се интеревенира пред да дојде до компликации и пукање на аортата.
Анеуризми на аортата вообичаено се јавуваат кај повозрасни лица, над 65 години, а останатите ризик фактори вклучуваат атеросклероза, хипертензија (висок крвен притисок), семејна историја на анеуризма на аорта, пореметувања на сврзното ткиво (Марфанов синдром), пушење, дијабетес и зголемен холестерол.
Стомачната анеуризма на аорта се јавува три пати почесто кај мажите, во споредба со жените и се проценува дека околу 5% од мажите постари од 60 години имаат анеуризма на стомачната аорта. Анеуризмата најчесто се открива случајно, со физикален преглед или ренгенска снимка или утразвук. Компјутерската томографија нуди најпроверена информација за големината и опсегот на анеуризмата.
Повозрасните лица со емфизем изложени се на поголем ризик од хеморагиски мозочен удар и руптура на анеуризма на аортата, укажува студија која анализирала податоци од над 1,7 милиони лица на возраст од 65 години. Ова истражување истовремено покажало дека емфиземот може да биде единствен ризик фактор за анеуризма, што потенцијално им дава на лекарите уште една алаатка за идентификација на пациенти со анеуризма.
Треба при тоа да се истакне дека пушењето и покачениот крвен притисок се ризик фактори за развој на анеуризма, па со престанување на пушење и со контролата на крвниот притисок, може да се намали ризикот од развој на анеуризма. Исто така, во ризик фактори за анеуризма се вбројуваат и прекумерното консумирање алкохол и дијабетесот.
Емфиземот е хронична состојба на белите дробови при која белодробните алвеоли се оштетени и може да пукнат, што го отежнува дишењето. Емфиземот се смета за еден вид хронична опструктивна белодробна болест, заедно со хроничниот бронхитис. Пушењето е главна причина за таа состојба.
Вообичаени симптоми се мозочна магла, болка, потешкотии со дишењето и забрзано чукање на срцето. Иако може да се јават исти симптоми без оглед на местото на крварење, понекогаш треба да се обрне внимание и на оние кои токму ќе откријат каде е крварењето, на пример модринки на местото на стомакот, ако крварењето се случило на тоа место. Без итен третман кај лекар, компликациите може да бидат опасни по живот. Може да се работи за интензивно или слабо крварење, без или со симптоми кои може да доведат и до губење свест. За жал, понекогаш состојбата не може веднаш да се забележи, па затоа е добро да се познаваат сите симптоми.
Кај внатрешното крварење, количината на крв не секогаш да ја одразува реалната состојба на работите. Големи количини на крв може да се насоберат некаде во телото, пред да се јават симптоми или компликации. Спротивно на тоа, дури и мало крварење на подрачјето на мозокот може се открие со изразени и силни симптоми или дури со смртен исход.
ШТО МОЖЕ ДА ПРЕДИЗВИКА ВНАТРЕШНО КРВАРЕЊЕ?
Некои од потенцијалните причини може да биде траума како повреда, разни видови на фрактури, анеуризма, пореметувања на крварење и лекови за разредување на крвта…
КОИ СИМПТОМИ НАЈЧЕСТО СЕ ЈАВУВААТ?
Важно е да запомните дека количината на крварењето не мора да одговара на симптомите, во случај на траума и рано појавување на симптомите, не значи дека лицето е безбедно. Некогаш, на пример, во случај на автомобилска несреќа, може да бидат оштетени црниот дроб или слезенката, а тоа ќе се забележи и до неколку часа по несреќата.
Симптоми кои може да укажуваат на внатрешно крварење може да бидат:
ОПШТА СЛАБОСТ
При силно губење на крв, мозочната магла и слабост се чести симптоми. Понекогаш овој симптом ќе се јави само кога лицето се обидува да стане.
БОЛКА
Болката е чести симптом при внатрешно крварење. Силна болка во стомакот, или силна главоболка секогаш мора да се проверат од страна на лекар. Понекогаш болката може да биде локализирана и да се јави само на местото на крварење. Ако се работи на прмер, за крварење во стомакот, локацијата на болката не мора да одговара на таа локација, па често може да се јави во рамената.
КРАТОК ЗДИВ
Чувството дека не можете кпмплетно да видшите воздух може да биде симптом за крварење било каде во телото. Со губењето крв, се намалуваат крвните зрнца кои пренесуваат кислород до ткивата, па тоа може да биде причина за потешкотии со дишењето. Секако, поврзано е и со крварење во градниот кош или кога насобраната крв во абдоменот ја притиска дијафрагмата и така спречува минување на воздухот во белите дробови.
БОЛКА ВО ГРАДИТЕ ИЛИ РАМЕНАТА
Крварењето во градите може да предизвика болка во нив, а крварењето во градите или абдоменот може да предизвика болка во рамената. Градната болка може да се јави ако крварењето се случуува во било кој дел од телото поради намалениот проток на кислород до срцето.
ТРНЕЊЕ ВО РАЦЕТЕ И НОЗЕТЕ
Ова чувство е многу често при внатрешно крварење и носи неколку компликации, но и објаснувања. Со губење на крв, телото ќе ја “забави“ циркулацијата со екстремитетите и така ќе го намали дотокот на крв до мозокот и срцето. Внатрешното крварење може да предизивика и хипервентилација и поради болката и поради обидот да се зголеми дотокот на кислород во остатокот од телото. Токму тоа може да ги предизвика овие симптоми.
ПРОБЛЕМИ СО ВИДОТ И ДРУГИ НЕВРОЛОШКИ КОМПЛИКАЦИИ
Промените поврзани со видот, а поврзани со мозочна магла, може да бидат последица на внатрешно крварење. Промените, како двојна слика или вкочанетост на едната страна на телото, главоболка или губење на координација, може да бидат симптоми за
МАЧНИНА И ПОВРАЌАЊЕ
Мачнината и повраќањето се чести кога е во прашање внатрешно крварење и може да се јават поради губење крв и болка или да бидат поврзани со дигестивниот тракт или мозокот.
