Анксиозноста која ја чувствувате кога се грижите за семејството, работата, финансиите или кога сте во сообраќајна гужва, доведува барем краткотрајно до висок притисок, пишува Тајм.
„Нашиот ум и мислите се поврзани со нашето срце“, вели Кристофер Целано од Massachusetts General Hospital во Бостон.
Кога нешто ве прави анксиозни, а се работи за некоја итна, моментална ситуација или за постојана загриженост, нервниот систем инцира реакција која го зголемува крвниот притисок.
„Умерената анксиозност може да не мотивира“, вели Целано.
Може да помогне да почнеме со вежбање или не тера на поздрав избор на храна, но мора да постои рамнотежа.
„Парасимпатичкиот нервен систем помага во опуштањето и балансирањето на парасимпатичкиот и симпатичкиот нервен систем што е есенцијално за здравјето на срцето“, истакнал Целано.
Некои луѓе кои патат од анксиозност не ја постигнуваат оваа рамнотежа и со текот на времето тоа може да влијае на здравјето на срцето.
„Личностите кои се хронично анксиозни можат да имаат промени на имунолошкиот систем, крвните жили и тромбоцитите што придонесува за болести на срцето“, предупредил Целано.
Истражување од 2015 година покажало дека луѓето кои имаат високо ниво на анксиозност, веројатно, развиваат хипертензија. Кога анксиозноста е силна и трае подолго, резултира со активност на нервниот систем кој го крева притисокот и може да поттикне создавање на болести на крвните садови, пишуваат авторите на студијата.
Лесно е да се воспостави причинско-последична врска меѓу анксиозноста и високиот притисок. Потешко е да се каже придонесува ли честата анксиозност за развој на континуирана хипертензија.
Постојат повеќе начини како да се реши овој проблем, од медитации, вежбање, до лекови. Дури и ако се востанови дека самата анксиозност не придонесува за болестите на срцето и понатаму е важно да не се грижите премногу. Без оглед на тоа дали придонесува хроничната анксиозност за хипертензија, управување со тегобата и стресот, важен е аспектот на одржување на високиот квалитет на живот. Анксиозноста никако не смее да се занемари!
