Џони Деп и борбата против анксиозноста. И не е само тој!

Листата на славни кои патат од анксиозност е голема, а барем досега за ова јавно зборувале и Кејт Мос, Ема Стоун, Ким Бесинџер...

Многу луѓе веруваат дека познатите немаат проблеми со анксиозноста со оглед на тоа дека постојано се во центарот на вниманието. Ако некој глумел во толку многу филмови, славен е, па уште богат… сигурно нема проблеми, зарем не?! Но иако е потребен труд и време за некоја личност да ја совлада улогата на јавна личност, тоа сепак не им оди од рака на сите.

На пример, Џони Деп сигурно е еден од најпопуларните актери на денешницата, а иако кога ги гледаме неговите филмови ништо не му се забележува на лицето, анксиозноста може да се забележи за време на интервујата и гостувањата во разно-разни емисии. Тој често се чувствува непријатно, па дури и е во паника кога се наоѓа пред голема маса луѓе или многу камери. Ова влијае на начинот на кој седи, одговара на прашањата, па дури и на изразите на неговото лице. Постојат бројни интервјуа кои можете да ги видите на интернет во кои е повеќе од очигледно дека Џони Деп во тие ситуации станува срамежлив и едноставно не зборува многу.

Анксиозност во филмовите

Постојат многу актери и актерки кои патат од анксиозност, но повеќето не го покажуваат тоа додека глумат. Иако е помалку неверојатно, но причината би можел да биде фактот дека во филмовите тие се едноставно „други личности“. Во филмовите поинаку зборуваат, а често и поинаку изгледаат, но кога станува збор за интервјуата тогаш вниманието е само на нив и тогаш често стануваат анксионзи и исплашени.

Кога ги гледаме филмовите на Деп, веројатно, никогаш не би помислиле дека се работи за анксиозна личност. Овој актер е способен да се соживее во толку различни ликови и да го смени својот изглед на толку различни начини, а тие вештини му овозможуваат да се ослободи од анксиозноста затоа што не мора да се грижи дека луѓето ќе го видат „вистинскиот“ Џони. Многу познати личности се чувствуваат еднакво, но, за жал, многу се вртат кон дрогите и алкохолот кога ќе се најдат на филмскиот сет.

 Како Џони Деп бие битка со анксиозноста?

Деп секојдневно има пристап до своите терапевти, дури и кога се наоѓа на снимање. Овие професионалци му помагаат да го смени начинот на размислување и да го контролира проблемот кога ќе се појави, така што едноставно се посветува на работите кои ги сака. Не му поаѓа од рака секогаш да делува отворено и пријателски настроен, но тоа, како што и самиот вели, не е доволна прилина да престане да се обидува. Тој е одличен пример за анксиозноте луѓе токму заради сето она што успеал да го постигне и начините на кои секојдневно се брои со своето пореметување.