Лабораториското истражување
спроведено на животни укажува на врска помеѓу примената на антихистаминици, лекови за ублажување на алергија, со неплодност кај мажите. Иако се работи само за истражување направено врз животни, пациентите би требало да бидат свесни за можните несакани ефекти.
Инаку, повеќето случаи на неплодност кај мажите се должат на слабиот квалитет на спермата.
Претходните истражувања покажаа дека хистаминот не само што има улога во предизвикување на алергиски реакции, туку, исто така, е вклучен и во регулација на будењето, сексуалното однесување и плодноста.
Исто така, бројни студии укажуваат на штетните ефекти на антихистамините врз нормалната функција на тестисите, пренесува „Reproduction“.
Се смета дека антихистаминиците најверојатно влијаат на производството на машки полови хормони во тестисите, што може да доведе до промена на морфологијата (обликот и структурата) и намалена подвижност на сперматозоидите, како и намалување на нивниот број.
