Кај пациенти кои страдаат од остеоартритис земањето нестероидни противвоспалителни лекови (НСАИЛ) може да го зголеми ризикот од кардиоваскуларни заболувања за повеќе од два пати, покажала новата студија. Инаку, од порано е познато дека самиот остеоартритис е фактор на ризик за кардиоваскуларни болести.
Кај споменатите пациенти нестероидните антиинфламаторни лекови го зголемуваат ризикот од конгестивно затајување на срцето за 44,8 отсто, ризикот од исхемична срцева болест за 94,5 отсто и ризикот од мозочен удар 93,3 проценти.
Затоа, треба да се биде внимателен при земањето нестероидни антиинфламаторни лекови, бидејќи тие можат да имаат несакани ефекти врз срцето и бубрезите, било констатирано на неодамнешниот Европски конгрес на ревматологија „EULAR 2018“.
