Според резултатите од новата студија, некои соеви на бактеријата Staphylococcus aureus може да го забават заздравувањето на улкусот кај дијабетското стапало, додека други видови на бактерии, како бактеријата Alcaligenes faecalis, може да го подобри заздравувањето на улкусот. Се смета дека следењето на бактериската популација на улкусот кај дијабетското стапало може да им помогне на лекарите во изборот на најсоодветна терапија.
Улкусот претставува рана на кожата или слузница проследена со распаѓање на ткивото. Може да доведе до целосно губење на епидермата, а понекогаш и на делови од дермисот, па дури и на поткожното ткиво. Улкусите најчесто се појавуваат на кожата на долните екстремитети и кај гастроинтестиналниот тракт. Улкусите кои се појавуваат на кожата најчесто личат на воспалено ткиво проследено со црвенило на кожата.
Инаку, кај околу една четвртина од заболените од дијабетес доаѓа до развој на дијабетско стапало. Улкусите на стапалата се водечка причина за ампутација на стапалата кај дијабетичарите. По ампутацијата, седум од 10 пациенти умираат, што е повеќе отколку кај многу видови на карцином.
Интересно е дека пациентите кои примале антибитиоци имале мала промена во микробиомот на улкусот на стапалото, што и не е изненадувачки, со оглед дека антибиотиците ретко го подобруваат исходот од лекување на улкусот.
