Баланопоститис е воспаление на врвот и кожичката на пенисот кај мажите. Бaланитис е воспалително заболување само на главата на половиот орган, а поститис е воспаление на внатрешниот дел на кожичката на гениталиите.
Причини
Промените на половиот орган кај мажите најчесто се појавуваат по бактериски инфекции ( предизвикани од стрептокока, стафилока, трихомонас, ешерихија, ентерококус), инфекција од кандида, траума, недоволна хигиена, иритација од сапуни и дезинфициентни средства. Најчесто се појавуваат поради влажната и топла средина.
Симптоми
Постојат неколку форми на заболувањето:
Баланопоститис симплекс (обичен) се јавува кога промените се на главата или кожичката во вид на црвенило, оток, секреција и понекогаш со формирање на помали или поголеми рани. Субјективно постои чувство на чешање, жарење или пречки при мокрењето. Најчести причинители се бактериски инфекции, хемиска или механичка дразба.
Баланопоститис candidomiceticae – (кандидијазен) кој се карактеризира со сјајно црвенило, појава на бели меурчиња, чешање, печење – симптоми предизвикани од размножување на габата Кандида. Често се јавува кај дијабетичарите, при пад на имунитетот или примена на антибиотици.
Баланопоститис erosiva cicirnata – заболувањето има хроничен тек, во вид на бели неправилни, полицклични црвени и сиво-белузлави промени. Може да се појави одвоено или заедно со Рајтерова болест.
