Здравите масти се од суштинско значење за производство на хормони, а целосниот сексуален живот целосно зависи од хормоните. Ова се 10 извонредни состојки или природни стимуланси кои докажано ќе ви го подобрат сексуалниот живот.

Жени

Какао – ја содржи неодамна откриената молекула анандамин, наречена „молекула на блаженството“, како и фенилетиламин, позната под називот „љубовна хемија“, што за време на сексуалниот однос го ослободува невротрансмитерот допамин, одговорен за чувството на задоволство.

Цимет – неговиот ефект на „загревање“ ја подобрува циркулацијата на крвта и чувството на сексуално задоволство.

Л-аргинин – аминокиселината неопходна за функционирање на хипофизата претставува природен афродизијак за жените, бидејќи го зголемува протокот на крв во гениталиите, ја намалува сувоста на вагиналното ткиво и стимулира оргазам. Го има во млечните производи, јајцата, рибата и црвеното месо.

Мажи

Бадеми – содржат здрави масти за кои се смета дека влијаат на производството на машки хормони.

Целер – содржи андростерон, машки хормон што се ослободува преку потта.

Банани – ги содржат ензимите бромелаин, калиум и рибофлавин, кои влијаат на издржливоста за време на сексуалниот однос.

Чоколадо – содржи теобромин, алкалоид сличен на кофеинот, што ја поттикнува сексуалната желба.

Школки – богати се со цинк, што го подобруваат квалитетот на спермата.

Универзални помошници

Лук – иако мирисот воопшто не му е романтичен, лукот во себе има алицин, хемикалија што ја подобрува циркулацијата на крвта преку половите органи.

Mед – содржи борон, што го поттикнува создавањето естроген кај жените, а кај мажите го зголемува нивото на тестостерон.