Д-р Барнс пред 50 години открил дека температурата на телото е одличен показател за работата на штитната жлезда, особено температурата која се мери наутро, веднаш по будењето.
Начин на изведување
Навечер подгответе го топломерот, така што ќе го истресете да температурата која ја покажува биде под 35 степени Целзиусови. Наутро, штом се разбудите, ставете го топломерот под пазуви, но внимавајте меѓу топломерот и кожата да нема облека. Топломерот треба да го држите 10 минути. Потоа веднаш прочитајте го резултатот и запишете го. Тоа е утринска базална температура и нормално да се движи од 36,5 до 36,8 степени.
Резултати од тестот:
- Ако температурата е меѓу 36,5 и 36,8, значи дека штитната жлезда работи нормално.
- Ако температурата е пониска од 36,5 степени, тогаш се работи за намалена функција на штитната жлезда. Симптоми на намалена функција или хипотиреоидизам се губење на енергија, замор, опаѓање на косата, сува кожа, главоболка, хронични инфекции, лоша концентрација…
- Ако температурата е повисока од 36,8, станува збор за забрзано работа на жлездата или хипертиреоидизам. Симптоми се нервоза, губење на тежината, топла, влажна кожа, забрзана работа на срцето…
За тестот да биде што поточен, потребно е да се повтори најмалку три дена по ред. Ако утврдите дека температурата на телото е над рамките на нормалните вредности, обратете се на лекар кој ќе ви помогне да воспоставите нормална функција на штитната жлезда.
