Веројатно, најтешката работа на светот е да го убедите детето да слуша и да се концентрира на она што е потребно. Но ако го знаете овој трик, препорачан и докажан од научни истражувања, веќе нема да имате проблеми.
Во списанието „Child Development “ неодамна беше објавена студија во која е докажано дека игрите на преправање, тнр. „Бетмен ефект“ се далеку од одвлекување на вниманието на децата како што порано се мислело – напротив, тие всушност и помагаат на детската концентрација со тоа што децата поефикасно ги извршуваат своите детски обврски.
Студијата била спроведена на 180 деца на возраст од 4 и 6 години, кои биле поделени во 3 различни групи, вклучувајќи и една група во која на децата им било дозволено да се облекуваат како Бетмен и други ликови од цртаните филмови.
На децата од секоја група им биле дадени 10 минути да завршат некоја здодевна задача на компјутер, но им било кажано и дека во секое време, доколку сакаат можат да одат во соседната соба и да си играат.
На групата со костимирани деца им било кажано да се однесуваат како ликот во чиј костим се облечени додека ги извршуваат своите задачи, додека другите деца се однесувале како што тоа вообичаено би го правеле.
Децата кои биле маскирани и глумеле улоги успеале да реализираат повеќе работи. Всушност, 55 % од шестгодишниците кои биле маскирани поминале повеќе време во извршување на здодевната активност, а, исто така, и 32 % од четиригодишниците.
Од друга страна, 3 5% од немаскираните шестгодишници деца го сториле истото, како и 20 % од четиригодишниците.
Што може да се заклучи од добиените резултати? Комбинацијата на свртување на вниманието што им го овозможува костимот и изедначување со квалитетите на ликовите кои ги глумеле, им овозможило на децата да претпостават дека другите идентитети ќе им овозможат поинакви карактеристики – оние кои им се потребни за да успеат, па поради тоа станале поупорни и на крајот – поуспешни во извршување на задачите.
