![kejt-midlton (1)](https://panacea.mk/wp-content/uploads/2018/01/kejt-midlton-1-696x522.jpg)
Војвотката од Кембриџ, Кејт Мидлтон направи веб-страница за ментално здравје со цел да им помогне на наставниците со разни совети и информации, кои тие потоа можат да им ги пренесат на своите ученици, без разлика дали се работи за нарушување во исхраната, загуба на драга личност или анксиозност.
![](https://panacea.mk/wp-content/uploads/2018/01/kejt-midlton-3-616x750.jpg)
Страницата е насловена „Mentally Healthy Schools“, а ќе им обезбедува информации на наставниците во основните училишта низ Англија. Вклучува повеќе од 1 500 онлајн извори, кои се проверени од експерти во таа област и се прилагодени на учениците. Со оглед на тоа што Кејт често зборува за важноста на менталното здравје, воопшто не изненадува што одлучи да посвети внимание на веб-страница на оваа тема.
Од Кенсингтонската палата велат: „Наставниците имаат важна улога во животот на младите луѓе, но имаат проблем со наоѓање на вистински извор на информации, кои потоа треба да им ги пренесат на децата“.