Површината на брадавицата е многу груба, а најчесто се јавува на нозете, рацете и вратот. Лекувањето е најефикасно ако почнете веднаш штом ја забележите. Отстранувањето на брадавиците може да го направите и сами со природни препарати, но пред да преземете што било најдобро е да се консултирате со вашиот лекар.
Лук
Лукот има силни антивирусни својства и многу позитивни резултати во третманот на брадавиците. На брадавицата нанесете свежо мелен лук и покријте го со завој. Оставете да отстои 3-4 часа, па исплакнете со вода. Повторувајте го овој процес секој ден се додека не ги видите посакуваните резултати. За да го зголемите дејството и да му помогнете на имунолошкиот систем да се бори против вирусите, можете да јадете и суров лук.
Јаболков оцет
Јаболковиот оцет е, исто така, добар за отстранување на брадавиците. Исчистете ја областа околу брадавицата и самата брадавица. Натопете ја ватата со јаболков оцет и ставете ја директно на брадавицата. Замотајте ја со завој или памучна крпа и оставете да стои преку ноќ. Повторувајте ја оваа постапка секоја вечер се додека потполно не исчезне брадавицата
Глуварче
Глуварчето има многу позитивни ефекти врз здравјето и убавината, како и врз брадавиците. Земете глуварче, исечете го стеблото и исцедете ја млечната течност врз брадавицата. Повторувајте ја оваа постапка секој ден.
Кора од бреза
Излупете парче кора од бреза, натопете го во вода и со фластер залепете го на брадавицата – внатрешноста страна на кората мора да биде на кожата. Кората содржи салицилат, кој, исто така, се наоѓа во многу индустриски производи против брадавици.
Кора од банани
Пред спиење ставете кора од банана на брадавицата (внатрешната страна да биде на кожата) и оставете да дејствува преку ноќта. Кората на бананата содржи супстанца која полека ја уништува брадавицата.
Лимон
На ист начин може да употребите и кора од лимон, но и сок од лимон. Едноставно исцедете го сокот од лимонот, нанесете го на брадавицата, чекајте 20 минути, па исплакнете со вода.
Компири
Излупете го компирот и измијте го, па исечете го на коцки. Тријте ја брадавицата околу 10 минути. Можете да го користите овој метод секојдневно.
Босилек
Издробете свеж лист од босилек и залепете го со водоотпорен фластер на брадавицата. Листовите босилек содржат супстанции кои ги уништуваат вирусите. Повторувајте ја истата постапка секој ден најмалку една недела.
Алое вера
Алое вера е многу лековита билка која се користи за различни кожни болести. За третман на брадавици може да се користи 2-3 пати на ден. Најдобро е да се користи природен алое вера без никакви додатоци. Во лекувањето се користат и листови на алое од кое се исцедуваат неколку капки од сок.
