Денес ретко кој може да се пофали со совршена состојба на својот ‘рбет и зглобови. Веќе после 35-тата година многу луѓе почнуваат да чувствуваат различни тегоби во коските и во зглобовите, а деформитетите на ‘рбетот се појавуваат уште во периодот на детството. Поради седечкиот начин на живот, ‘рбетот почнува да страда, мускулите стануваат млитави, а коскеното ткиво станува порозно поради неправилната исхрана.
Исто така, во ткивата на тетивите што го опкружуваат ‘рбетот се таложат шилци, па ‘рскавицата и дисковите се дегенерираат и ја слабеат циркулацијата на крвта на мускулите. Од друга страна ако му пружиме на ‘рбетот она што му е потребно, целни вежби за јакнење на мускулите и нивно истегнување, правилна исхрана и одмор, можеме да го забавиме стареењето, да ја обновиме животната сила и енергија, но и да да го подобриме здравјето на целиот организам.
Доволен внес на минерали и витамини
По консумирањето на одредени намирници, скелетот слабее бидејќи се извлекуваат минерали од коските што создава основа за развој на остеопороза. Освен што треба да се избегнува шеќер и производи кои што го содржат, како и животниски белковини да се сведат во разумна мера, неопходно е заради спречување на остеопороза, организмот да се снабди со калциум и фосфор, но и со одредени витамини. Отсекогаш се сметало дека млекото и сирењето се најдобар извор на калциум, но денес е познато дека млекото содржи калциум што изискува многу енергија за негова апсорпција, па организмот при тоа ги троши и сопствените резерви на тој минерал. Сирењето содржи многу масти, а освен тоа е преварено, пресолено и содржи боја. Калциумот е најдобро да се зема преку морска храна, жолчка од јајце, сусам, зелка, мешункасти растенија, целер, магдонос, спанаќ, кајсии, грозје, рибизли и евентуално младо кравјо сирење. Овие намриници покрај калциум, го содржат и неопходниот фосфор, како и витамините Ц, Б и Д. Останати минерали потребни за здравјето на коските се магнезиумот и манганот.
Нормализирање на телесната тежина
Секој килограм плус, непотребно го оптеретува ‘рбетот и зглобовите, па меѓупршленските дискови побрзо се трошат. Од прекумерната телесна тежина особено страдаат лумбалните делови на ‘рбетот и карличните зглобови. Чистењето на црниот дроб и цревата е прв чекор во нормализирање на телесната тежина. На овој начин може да се намалат килограмите за пет до 20 килограми. Исхраната пред се менува така што вештачката храна се заменува со природна. Тоа значи дека треба да се избегнуваат индустриски и конзервирани намирници, како и шеќерот. Употребата на солта треба да биде во разумна мера, бидејќи се врзува за водата, а со самото тоа ја зголемува инертната маса на телото. Шеќерот е најдобро да се исфрли од исхраната, бидејќи ги извлекува минералите од коскеното ткиво, исто како и белото брашно, како и производите направени од него. Сушеното месо и маргаринот исто така треба да се избегнува како и маста, масното месо и конзервансите. Доколу половина од храната што ја јадеме е „мртва“, т.е. е без минерали, витамини, ензими и слично, нашето тело е половина мртво.
