Студија спроведена во Јапонија покажала дека грчевите во мускулите може да укажуваат на хронична болест на црниот дроб. Научниците откриле дека грчевите се заеднички симптом кај дијабетичарите, лицата со хронична болест на бубрезите, оние со хронична болест на црниот дроб и кај жените.
Исто така, почести се кај пациентите со неалкохолен замастен црн дроб, бидејќи тие имаат намалена мускулна маса, покажала студијата.
Во истражувањето учествувале 432 пациенти, со просечна возраст од 60 години, од кои 48,6% биле жени. Мерена била честотата на грчевите, динамиката со која се појавуваат, периодот од денот, траењето и степенот на болка. Се покажало дека подолги и поболни грчеви најчесто чусвтвуваат жените и лицата со цироза на црниот дроб.
Но, со оглед дека грчевите се честа појава, особено во текот и по голем физички напор, а некои лица по природа се посклони на грчење на мускулите, во најголем број случаи нема причина за загриженост. Неретко причина за болни грчеви е недостатокот на магнезиум во организмот.
