Доктор Притиш Тоша, стручњак за заразни болести од клиниката Мејо и Мартин Бакнаваж од Универзитетот во Пенсилванија за „Хафингтон пост“ објасниле кои се опасности демнат од коцките мраз.
Бактерии
Коцките мраз можат да бидат загадени кога се направени од загадена вода или кога истата се загадува во уредите за правење мраз. Студија од 2011 година направена во Лас Вегас утврдила дека 33,3 отсто од примероците мраз земени од апаратите за правење мраз имаат повеќе бактерии отколку што е дозволено за водата за пиење, а 72,2 отсто од примероците биле позитивни на колиформна бактерија. Не е необично, се согласуваат овие научници, разни бактерии да се размножат во апаратите за правење мраз, но и во домашните замрзнувачи. Најголемиот проблем, вели доктор Тош, е тоа што заразата може да се прошири и на други намирници како што е, на пример, местото.
Мувла
Најголемиот проблем сепак е мувлата. Таа, вели Бакнаваж, често може да се најде во апаратите за правење мраз во рестораните, а може да се создаде и во домашните замрзнувачи. Се разбира, ниската температура во замрзнувачите го отежнува развојот на мувлата, а до проблем доаѓа кога фрижидерот често се исклучува од струја, на пример, во викендички. Сопствениците на угостителски објекти би требало да се погрижат апаратите за правење мраз да се чистат неколку пати годишно. Истото важи и за замрзнувачите.
„Ако замрзнувачот некое време бил исклучен, би требало пред употреба да го исчистите, барем делот каде што се прави мразот“, вели Бакнаваж.
Од рацете демне се она што било на нив
Во САД е забележан случај кога едно 15-годишно момче умрело од бактерија од заразен мраз, а ова можело да се спречи со миење на рацете. Дебра Хафман, микробиолог од универзитетот Јужна Флорида, после таа трагедија за Ен-би-си изјавила дека повеќето луѓе не се ни свесни за ризикот дека заради нехигиена на рацете може да се умре. Повеќето не гледаат во што е проблемот. Рацете нема да изгледаат ниту да мирисаат чудно. Тоа се микроскопски мали опасности кои не можат да се видат со голо око. Затоа е важно да се мијат рацете, навела Хафман. Ако сте земале мраз со лажичка, а пред тоа не сте ги измиле рацете, можно е микроорганизмите од вашите раце да преминат на коцките мраз.
Ги миете ли рацете пред да си ставите пијалак во чаша и да го разладите со коцки мраз? Веројатно, не, а би требало.
