Надвор е пекол, па прво што ви паѓа на памет за да се разладите е чаша ледена вода или некој ладен, овошен сок. Но всушност правите огромна грешка. Затоа што наместо да се освежите и да си помогнете, вие всушност си правите повеќе штета.
Наместо на телото да му е попријатно, всушност му станува полошо бидејќи на пијалаците со многу мраз им треба повеќе време да се рашират низ телото и да го хидрираат.
Поради тоа идеално е во текот на летото кога температурите се опасно високи, да се пие вода на собна температура, бидејќи само во тој случај телото најбрзо ќе има корист од неа. И да, водата е секогаш подобар избор од, да речеме, засладените сокови. Добар избор, иако можеби тешко е да се поверува во ова, е и чајот и тоа само кога надвор воздухот е сув, не влажен.
