Црвена, по малку надуена кожа може да биде знак на различни здравствени состојби, често може да биде алергиска реакција на некој нов производ или дури и последица на температура. Меѓутоа, во ретки случаи осипот може да бие знак и на нешто посериозно: рак.
Црвениот осип кој може да биде симптом на рак е сличен на псоријаза или екцема, предупредуваат стручњаците. Се јавуваат во црвени траги, чешаат, кожата се лупи и се појавува првут. Можат да се појават дури и точкички кои имаат нијанса на сина или жолта боја. Овој тип на осип обично трае подолго од оние безопасните.
Од Британското здружение на дерматолози велат дека осипот може да биде симптом на рак, но и нагласуваат дека во повеќето случаи станува збор за безопасна кожна состојба.
„Кожата е како прозорец низ кој го гледаме телото. На пример, ако во устата, на дланките или стапалата се појави осип со пликови – и прилично е сериозен – тоа може да биде знак за паранеопластичен осип. Овој осип практично значи дека е поврзан со некој облик на рак некаде во телото. Кога ракот се третира, осипот исчезнува“, велат од Здружението и објаснуваат дека најчесто ракот на крв се одразува со осип по кожата.
„Луѓето кои имаат леукемија или лимфом често имаат симптоми на кожата кои дерматолозите можат да ги препознаат!“
Еве мал водич кој помага да препознаете ако осипот е симптом на рак:
Црвен осип кој почнува да се лупи
Овој осип често се јавува кај луѓето на кои им е дијагностициран лимфом – рак на лимфниот систем. Кај овие личности може да се јави осип mycosis fungoides, кој се јавува кога крвта ќе стигне до надворешните слоеви на кожата. Во раните фази црвениот осип може да се јави во траги, но како што напредува почнува да се лупи. Може да чеша и изгледа прилично слично на екцема.
Мали црвени точки кои ја прекриваат кожата
Леукемијата, вид на рак на крвта кој започнува во коскената срж, може да се прошири по телото низ крвотокот. Кај личност која пати од леукемија, исто така, можат да се јават црвени точкички по кожата. Тој осип е предизвикан од испуканите крвни садови под кожата. Кај децата може да се јави осип во вид на темни дамкички на кожата.
Црвен осип на рацете или грбот
Дерматомиозитисот се појавува на превоите на прстите (од задната страна на дланката), најчесто на зглобовите на прстите, а се јавува и на грбот. Овој осип може да се поврзе и со кој било облик на рак, а, исто така, може да се јави по лицето, очните капаци, колената и лактите. Дерматомиозитисот може да доведе до ослабување и воспаленија на мускулите.
Темни задебелени дамки на кожата
Овој вид на осип во вид на темни дамки најчесто се јавува под пазувите, на препоните или вратот. Секогаш е знак за некој прикриен здравствен проблем. Тие дамкички кои се појавуваат се најчесто суви и груби, а понекогаш и чешаат. Исто така, најчесто се развива полека, а ако брзо се рашири по телото, тогаш тоа е симптом на рак.
НО ИМАЈТЕ НА УМ ДЕКА ВО ПОВЕЌЕТО СЛУЧАИ ОСИПОТ НЕ Е СИМПТОМ НА РАК!
Најчесто причината за осипот нема врска со ракот и важно е луѓето да го знаат ова. Но во секој случај, пораката е дека ако што било на кожата почне да ве загрижува, треба да појдете на лекар!
