Проверете што значи осип на задникот

Освен што осипот може да биде непријатен и иритирачки, тој може да биде и знак за болест.

Осипот сигурно е најиритантната појава на телото, без разлика каде се наоѓа. Но ако се појави на задникот, тоа е сосема друго ниво на очај. Освен што осипот може да биде непријатен и иритирачки, тој може да биде и знак за болест. Секако, тоа може да биде само една акна на задникот, но често се јавува пообемен, со црвенило и болка на допир.

Ова се некои симптоми на најчестите можни осипи што се појавуваат на задникот.

Осип: група на болни и воспалени акни

Веројатност: избивање на херпес

За херпесот обично се мисли дека може да се појави само на устата или на гениталиите, но може да се појави и на задникот. Кога вирусот избива, поради стрес или болест која го ослабела имуниот систем, може да дојде до површината на кожата и да предизвика осип. Осипот најверојатно ќе се изгуби сам од себе по една седмица, но е заразен при директен контакт.

Осип: црвен круг со лушпест прстен околу него

Веројатност: габична инфекција

Ако некогаш сте се соочиле со атлетско стапало, сигурно знаете како изгледа овој вид на инфекција и истата може да се појави и на задникот. Топлото и влажно опкружување ја поттикнува оваа инфекција, особено во потоплите месеци од годината. Се препорачува брзо лекување на осипот, поради можноста да се прошири на поголема површина.

Осип: црвенило со акни

Веројатност: фоликулитис

Иако, повеќето луѓе оваа состојба ја нарекуваат акни на задникот, станува всушност збор за површинска инфекција на фоликулот на влакната – фоликулитис. Кај благите случаи на фоликулитис состојбата се решава со испирање со антибактериски сапун. За да се спречи можно идно избивање, кожата треба да се одржува чиста и сува (особено по физичка активност) и да се носи тенка ткаенина.

Осип: црвенило прекриено со бели лушпи

Веројатност: псоријаза

Во оваа хронична и често генетска состојба, имунолошкиот состав реагира и ја напаѓа кожата. Псоријазата обично се појавува на лактовите и колената, но можно е да се јави и на задникот.

Осип: чешање, црвенило и ранички

Веројатност: егзема

Егземата е воспалителна болест на кожата која предизвикува сушење и пукање на кожата – често предизвикана од генетиката, иритација или алергија. Овие микроскопски пукнатини се развиваат во надворешниот слој на кожата, така што клучот во лекувањето е хидратација и поправање на кожната бариера со хидратантни и противвоспалителни креми. Егземата на задникот може да се јави и поради иритација од некои ткаенини, детергенти или тоалетна хартија.

Осип: чешање на анусот

Веројатност: хемороиди

Хемороидите претставуваат отечени и проширени крвни садови околу анусот. Овие испакнатини чешаат, болни се и тешко може да се игнорираат. Ако се сомневате дека сте добиле хемороиди побарајте лекарска помош.