Бананите се одлични за варење на храната, богати се со калиум, влакна и магнезиум – накусо, одлични се за нашето здравје – а и доста се практични како појадок затоа што нема ништо полесно од тоа да се излупи банана кога наутро брзаме, зарем не? Сето ова е вистина – но можеби има и подобри избори за појадок од бананата.
Имено, четвртина од ова овошје го прави шеќер, а освен тоа бананата создава киселост во телото. Исто така, таа дава енергија што наутро на сите добро им доаѓа, меѓутоа, тој полет не трае долго.
Сепак, ако ве растажи ова сознание, имаме и една добра вест:
Постои начин како од бананата да го извлечете само она што е најдобро – секогаш комбинирајте ја со други намирници, и тоа не кои било.
Ако бананите ги изедете со здрави маснотии и одредени зачини и билки ќе ја неутрализирате киселоста и ќе го спречите порастот на инсулин. Обидете се со кокосово масло, ленено или чиа семе, куркума и цимер. Така ќе добиете се – и брз, и вкусен, и здрав оброк со своето омилено овошје.
