Според резултатите на англиското истражување, речиси 90 % од адолесцентите во своето тело имаат траги на бисфенол А – хемиско соединение што се користи при изработка на пластичната амбалажа.
Бисфенол А (БПА) е високо застапен во пластичните садови, шишиња, капаци и високо процесирана храна. Поради сличноста со хормонот естроген, БПА се сврстува во соединенија кои се нарушувачи на ендокринолошкиот систем поради што може да влијае на механизмите кои бараат естроген.
Во студијата, во која биле вклучени 94 испитаници на возраст од 17-19 години, на учесниците пред и после истражувањето им била мерена концентрацијата на бисфенол А (БПА) во урината. Во текот на истражувањето, од испитаниците било побарано да избегнуваат користење на сите намирници кои можеле да дојдат во контакт со предмети кои содржат БПА.
Резултатите покажале дека и покрај напорите да се намали изложеноста на БПА, кај испитаниците не дошло до значајно намалување на концентрацијата на БПА во урината
Дополнително, испитаниците изјавиле дека придржувањето кон таквите упатства им било крајно тешко, бидејќи БПА не е деклариран на амбалажата на производите.
Со оглед на фактот дека изложеноста на бисфенол А во моментов е многу тешко да се контролира, а со цел подобро информирање на потрошувачите, научниците предлагаат воведување на декларирање на ова соединение на амбалажата, пишува „BMJ Open“.
