Белото чоколадо прв пат е произведено години пред Втората светска војна и тоа како мешавина од шеќер, какао, путер. Се верува дека за прв пат белото чоколадо е произведено во Швајцарија во 1930 година. Подоцна производителите на чоколади почнале да ставаат и разни додатоци за да ја зголемат разноликоста, а со тоа и лековитоста на белото чоколадо.
Иако некои сметаат дека белото чоколадо, според неговите состојки, всушност и не е чоколадо, сепак не може да се оспорат неговите позитивни страни по здравјето.
Една табличка (околу 80 грама) бело чоколадо содржи големи количини на калциум, кој помага во одржување на здравјето на срцето, мускулите и нервниот систем. Помага и при превенција на алергии и депресија. При тоа, содржи и фосфор и витамин Б 2. Фосфорот е важен минерал кој влијае на растот и развојот на клетките, додека витаминот Б 2 е важен за функцијата на метаболизмот. Сите овие состојки се клучни за првилно функционирање на организмот и метаболичките процеси.
