За разлика од болести со специфичен причинител и препознатливи симптоми, постојат и такви кои се манифестират со симптоми и медицински проблеми за кои сметаме дека се нормална појава и ги занемаруваме. Но, од нив може да се развијат и посериозни заболувања.
Ниско ниво на витамин Д
Иако можеби нема да забележите ништо опасно, ниското ниво на витамин Д подолго време може да предизвика појава на срцеви болести, дијабетес, некои типови на канцер. Затоа редовно следете го вашето ниво на витамин Д. Витаминот Д помага во апсорција на калциумот, па недостатокот може да влијае лошо на вашите коски. За среќа, проверката и надоместокот на витамин Д се едноставни. Состојбата проверувајте ја на неколку месеци.
Дијабетес тип 2
Ако вашето тело не произведува доволно инсулин, се развива дијабетес. Тој често пати се појавува постапно. Може да имате дијабетес и со години да не знаете, предупердуваат интернистите. Дијабетесот може да го оштети видот, срцето. Бубрезите и нервните завршетоци. Ако сте гојазни или имате семејна историја поврзана со дијабетес, погрижете се редовно да правите испитувања и контроли.
Во повеќе студии се потврдени корисните ефекти од внесувањето хром на толеранцијата на глукоза и/или метаболизмот на мастите. Дијабетските пациенти имаат променет метаболизам на хромот, споредено со недијабетски пациенти, со повисока апсорпција на хром, но исто така и зголемена екскреција на хром. Во зависност од стадиумот на дијабетес, дијабетските пациенти имаат тенденција да ја загубат можноста за конверзија на хромот во форма во која може да се искористи.
Хипертензија (зголемен крвен притисок)
Поради стареењето, како и семејната историја и прекумерната телесна тежина, притисокот во артериите може да стане превисок. Тоа води до хипертензија. Евентуалните компликации вклучуваат срцев удар, мозочен удар и болести на бубрезите. Кардиолозите велат дека пациентите имаат асимптоматска хипертензија години пред дијагнозата, што ја нагласува важноста од систематски прегледи, дури и ако се чувствувате здраво. Нормалниот притисок е околу 120/80.
Висок холестерол
Поради лошата исхрана или генетиката, повисокото ниво на лошиот холестерол во крвта може да ги оштети артериите, што доведува до лош проток на крвта во виталните органи, како што се срцето и мозокот. Тоа може да предизвика и мозочен и срцев удар, алармираат кардиолозите, кои нагласуваат дека високото ниво на холестерол и хипертензија се фактори за болести на срцето.
