Кои заболувања ги наследуваме од мајката, а кои од таткото

Наследни се и долготрајните главоболки. Склоноста кон долготрајни и тешки главоболки проследени со мачнини е наследна во дури 70 до 80 % од случаите.

Од секој родител „собираме“ по две копии од секој ген, а мутацијата на одредени гени е главен тригер за наследните болести.

Прв на листата е високиот холестерол, за што во целост може да го обвиниме семејството, тврди амерканската генетичарка Шивани Назарет.

„Едно од 500 лица имаат генетска мутација која е причинител за семејната хиперхолестеролемија – наследна болест на срцето која може биде причина за преран срцев или мозочен удар“, открива Назарет и додава дека заболените од хиперхолестеролемија не можат да го регулираат холестеролот, кој поради тоа се трупа во вените. Во ваков случај холестеролот не може да се регулира ниту со ригорозни диети или физички активности, бидејќи тука гените го направиле своето, нагласува Назарет.

И додека за холестеролот може да бидат виновни двајцата родители, ракот на дојка го наследуваме од таткото. Имено, секој човек е роден со гените БРЦА 1 и БРЦА 2, кои не се создаваат здравствени проблеми се додека не мутираат. Но, жените кои наследиле мутација од едниот или двата БРЦА гени од страна на таткото, имаат поголем ризик да заболат од рак на дојка. Д-р Назарет појаснува дека наведените гени не се опасни по здравјето на мажите, бидејќи тие во ретки ситуации заболуваат од рак на дојка, што не може да се каже истото и за жените.

Доколку за губење на косата ја обвинувате машката страна од семејството – грешите. Гените кои имаат клучна улога кај ќелавоста, се наоѓаат на хромозомот Х, кој машките секогаш го наследуваат од мајката, додека жените овој ист ген го преземаат од двајцата родители.

За дијабетес тип 2 најчесто е виновен нередовниот живот, но истражувањата покажале дека околу пет отсто од младите со редовен живот имаат знаци на оваа болест, иако не се дебели и редовно вежбаат. И овде проблем е генетската мутација, па станува збор за форма на дијабетес која научниците ја нарекле MODY. Раното препознавање на пациенти со MODY (возрасен дијабетес кај млади) е многу важно, бидејќи ним им е потребна поинаква терапија која може со години да ја контролира болеста без појава на компликации, вели д-р Назарет.

Наследни се и долготрајните главоболки. Склоноста кон долготрајни и тешки главоболки проследени со мачнини е наследна во дури 70 до 80 % од случаите. Научниците откриле како генот ТРЕСК предизвикува појава на мигрена, а тој често се наследува и од двајцата родители.

Болестите на срцето ги преземаме од мајката. Ако вашата мајка имала проблеми со срцето, имате 20 % поголема шанса да ги имате и вие.

Не сме поштедени ни од психичките болести. Околу 10 % е веројатноста дека ќе наследите склоност на заболување од депресија. Стручњаците објаснуваат депресијата е само една од психичките болести што може да ја наследите, заедно со биполарното пореметување и шизофренија.