Проширените капилари и вени се многу често на нашето поднебје и се појавуваат упте кај млади девојки, а по триесетта година од животот се видливи кај секоја втора или трета жена. До оваа состојба најчесто доведува генетскиот фактор, бременоста, условите на живот и работа, долгото стоење и седење, дебелината, оралните контрацептиви и физичката неактивност.
Но, не се само жените тое кои можат да имаат проблеми со вените, тие често може да се јават и кај мажите, а во поголем процент се предизвикани од типот на работата или секојдневните активности. Кој имал проблеми со вените, добро знае дека, ако варикозитетите не се лекуваат, состојбата може да се влоши, може да дојде до сопаленија на површинските вени, различни дерматитиси, а може да се отвори и рана на потколеницата која може да наложи долготрајно лекување.
“Благодарение на модерниот начин на живот (седечкиот начин на живот, недоволната физичка активност, дебелината) се повеќе луѓе имаат тегоби со вените. Преваленцата на хроничните венски болести во светската популација е многу висока, околу 30-60% од возрасните имаат проширени вени (кај жените 45,3%; кај маѓите 34,5%), а над 80% од луѓето имаат барем некаков проблем поврзан со хронична венска болест“, вели д-р Даринка Периша, дерматовенеролог.
ЗОШТО Е ВАЖНО ДА СЕ НЕ ЗАНЕМАРУВААТ ПРОБЛЕМИТЕ СО ВЕНИТЕ? КОИ СЕ МОЖНИТЕ ПОСЛЕДИЦИ?
Проширените вени на долните екстремитети (варикозни вени) се појавуваат поради проширување на поткожните вени, тие не се само естетски проблем, туку предизвикуваат бројни здравствени проблеми и го намалуваат квалитетот на живот. Најчести знаци за проблеми со вените се чувство на тешки, уморни и напнати нозе, ноќни грчеви во листовите, чешање, печење и отоци (особено во делот на глуждовите).
Проширените вени најчесто се јавуваат како наследна болест поради вродената слабост на сврзното ткиво или секундарно како последица на длабока венска тромбоза која доведува до преоптоварување на површинските вени, кои поради тоа се шират. Венските залистоци во вените на здрави лица обезбедуваат проток на венската крв во насока на срцето, а кога вените ќе се прошират, залистоците повеќе не можат да ја извршуваат оваа здача. Доаѓа до обратен проток проток на крвта (рефлукс) назад кон стапалата, што резултира со венски застој, отекување и чувствуво на напнатост.
КАКО ДА ПРЕПОЗНАЕТЕ ДАЛИ Е ВРЕМЕ ДА СЕ ОБРАТИТЕ КАЈ ЛЕКАР?
Кога ќе се појавуваат субјективни проблеми и/или видливи знаци на болеста. Според моменталната клиничка класификација (CEAP) имаме седум стадиуми на болеста (0-6). Основната терапија е носење компресивни чорапи, медикаментозна терапија, како и промена на животниот стил, која е потребна во сите стадиуми на болеста. Навременото лекување може да ги елиминира или ублажи тегобите, да спречи компликации и да ја забави прогресијата на болеста.
