Помеѓу причината на инфекцијата и нејзината заразност нема ниту една поврзаност, оти постојат бактериски болести кои се заразни и такви кои не се, а слично важи и за голем број на вируси.
Тука се и состојби кои може да се развијат поради лошо функционирање на имуниот систем на лицето или надворешни фактори. Од се произлегува дека е секогаш добро да се превземат мерки на претпазливост – редовно миење раце и вакцинирање кога тоа и да е можно.
Воспаление на бели дробови
Дали воспалението на белите дробови е заразно или не, зависи од тоа што го предизвикало. Два вида на ова воспаление не можат да се пренесат од лице на лице, а тоа се габично воспаление на белите дробови кое се добива од околината и аспирациска пневмонија, која се јавува кога храна или течност ќе се вдише во белите дробови.
Од друга страна, бактериско и вирусно воспаление на белите дробови на кои отпаѓа поголемиот број на случаи на оваа состојба навистина се заразни, иако не на начин на кои веројатно мислите дека би можеле да се заразите.
“Микроорганизмите кои ги предизвикуваат овие видови на воспаление може да се пренесат од лице на лице, но нема автоматски да предизвикаат воспаление на белите дробови. На пример, некои бактерии ќе се задржат само во горните дишни патишта, додека грипот кој кај некои може да предизвика воспаление, кај други ќе предизвика бронхитис“.
Псоријаза
Ова пореметување на кожата кое погаѓа околу два проценти од популацијата нема никаква врска со бактерии. Псоријазата е автоимуна болест при која имуниот систем на организмот ја напаѓа сопствената кожа. Таа состојба не е предизвикана од микроорганизам кој се пренесува меѓу луѓето. Симптомите вклучуваат црвени наслаги на кожата кои на врвот се прекриени со бели лушпи, кои често се наоѓаат на лактите, колената и темето на главата и се јавуваат кога телото прекумерно создава нови клетки на кожата.
Розацеа
Оваа состојба предизвикува црвенило на кожата и видливи крвни садови на лицето, а понекогаш и мали испапчувања со гној. Понекогаш розацеата може да доведе и до задебелување на кожата на носот. Додека стручњаците не се сигурни што ја предизвикува оваа состојба, се претпоставува дека е во прашање генетила, абнормалност на крвните садови на лицето, а улога може да игра и бактеријата хеликобактер пилори.
Антибиотиците кои се користат за лекување на розацеа може да бидат ефикасни во борбата против воспалението, а не затоа што ги убиваат бактериите.
Бронхитис
Слично како и кај воспалението на белите дробови, некои форми на бронхитис се заразни, а некои не, зависно од тоа што го предизвикало воспалувањето на бронхиите и последично кашлањето, како и општите потешкотии со дишењето. Акутниот бронхитис кој обично настанува како последица на инфекција на горните дишни патишта до градниот кош, често е предизвикан од вирус и е заразен. Стотици вируси, како и некои бактерии може потенцијално да доведат до бронхитис, а заразата следи откако ќе доспее во ткивото на слузницата низ очи, нос или уста. Хроничниот бронхитис не е заразен. Оваа состојба често е предизвикана од долготрајно пушење или изложување на загадувачи и алрегени од околината.
