Бронхијалните цевки (бронхии) се дишни патишта кои го поврзуваат душникот со белите дробови. Кога ќе дојде до иритација или воспалителен процес во бронхијалните цевки, нивната ефикасност се намалува и се развива состојба која лекарите ја нарекуваат бронхитис.
Постојат два вида на бронхитис – акутен и хроничен. Од самите имиња лесно е да се заклучи дека акутниот бронхитис е мешто што се појавува изненадно и може да исчезне веднаш. Од друга страна, хроничниот бронхитис е болест која се развива со тек на времето. Лекарите предупредуваат дека тоа е состојба која не може да се излекува.
АКУТЕН БРОНХИТИС
Вообичаено трае само еден ден и не предизвикува никакви други проблеми. Некои од симптомите на акутен бронхитис се болка во градите, сува лашлица и зголемено производство на слуз. Можно е да е проследено и со благо покачена температура.
Акутниот бронхитис е состојба која може да се лекува и со домашни лекови: потребно е да се пијат многу течности, да се консумира храна богата со витамин Ц и повеќе да се одмора. Но, за да избегнете можни компликации, не е на одмет да ве прегледа лекар.
ХРОНИЧЕН БРОНХИТИС
Хроничниот бронхитис е последица на оштетување на бронхиите. Една од најчестите причини за оваа состојба е пушењето. Но, причина може да биде и постојаното изложување на штетни фактори кои предизвикуваат воспалителни процеси со бронхиите. Стручњаците предупредуваат дека долготрајниот престој во загаден простот – отворен или затворен, може да предизвика бронхитис. Штетно влијание има и изложеноста на опасен дим и хемикалии на работното место.
Хроничниот бронхитис е болест која бара лекарска интервенција, бидејќи во спротивно може дополнително да се искомплицира. Оваа состојба е неповратно оштетување на дишните патишта. Важно е да се побара стручна помош за да се забави напредувањето на хроничниот бронхитис.
