Појавата на болка и несоница, како и други ментални нарушувања, е честа дури пет години пред да се дијагностицира мултиплекс склерозата, покажала новата студија. Информирањето на лекарот за споменатите симптоми може да помогне во раната дијагноза и третман на мултиплекс склероза, како и во намалување на штетните последици од болеста.
Резултатите од истражувањето покажале дека фибромијалгијата била три пати почеста кај луѓе кај кои подоцна е дијагностицирана мултиплекс склероза. Што се однесува до синдромот на иритабилно црево, тој бил два пати почест кај лицата кај кои подоцна се развила мултиплекс склероза.
Луѓето кај кои подоцна се развила мултиплекс склероза се склони кон мигрена и ментални нарушувања како депресија, анксиозност и биполарно растројство.
Се смета дека мултиплекс склерозата може да се предвиди со помош на рани симптоми, исто како и Паркинсоновата болест и Алцхајмеровата болест, пишува „Multiple Sclerosis Journal“.
